fbpx
Þriðjudagur 20.október 2020
Fréttir

Fíkillinn keyrir aftur undir áhrifum, fjárglæframaðurinn fær sér glænýja kennitölu og þjófar stela

Lilja Katrín Gunnarsdóttir
Sunnudaginn 28. júlí 2019 12:30

Ekki missa af Helstu tíðindum dagsins í pósthólfið þitt

Lesa nánar

Í blaðinu í dag opnar íslenskur barnaníðingur sig nafnlaust um sín brot. Þó hann efist um að einhver hafi áhuga á sjónarmiði geranda þá vill hann samt koma á framfæri af hverju hann gerði það sem hann gerði, hvar hann er í lífinu í dag og, það sem meira máli skiptir, að hann vilji hertara eftirlit með kynferðisafbrotamönnum.

Það er óskiljanlegt að enn sé ekki búið að ræða frumvarp Silju Daggar um nákvæmlega það – meira eftirlit með barnaníðingum. Nú gætu einhverjir hugsað að það myndi skerða mannréttindi þeirra verulega, en ég tel að þetta eftirlit mundi aftur á móti hjálpa þeim sem dæmdir eru fyrir kynferðisbrot. Í þessum tillögum Silju Daggar felast einnig hugsanleg úrræði fyrir barnaníðinga því eftirlit þarf ekki alltaf að vera slæmt. Í því felst líka eftirfylgni, aðstoð og viss stuðningur.

Það er raunar óskiljanlegt hve hræddir við Íslendingar erum við að hafa eftirlit með afbrotamönnum, hvort sem það eru barnaníðingar, morðingjar, fjárglæframenn eða fólk sem er dæmt fyrir síendurtekin ofbeldisverk eða umferðarlagabrot. Við erum ofboðslega hrædd við að setja fólki sem brýtur af sér skorður og guð forði okkur frá því að fjölmiðlar fari of nálægt þessu fólki. Þá æsist múgurinn allsvakalega. Við fettum hins vegar minna fingur út í að hér ríður forræðishyggja feitum hesti og fólki er sagt, með mismikilli skattlagningu, hvað það á að drekka, hvernig það á að borða, hvernig bíl það á að keyra og í hvers konar húsnæði það á að búa – eða ekki búa.

Sí og æ birtast dómar um fólk sem virðist ekki ná að halda sér á beinu brautinni. Brýtur af sér aftur og aftur. Við því er hægt að grípa til ákveðinna refsinga, hvort sem það er fangelsisvist, sektir eða svipting ýmissa réttinda í ákveðinn tíma. En síðan er þessu fólki spýtt aftur út í samfélagið án þess að það fái tól og tæki til að sporna gegn því að það falli aftur í nákvæmlega sama farið. Fíkillinn keyrir aftur undir áhrifum, fjárglæframaðurinn fær sér glænýja kennitölu og þjófar stela. Samfélagið er búið að dæma þá og sýnir engan vilja til að hjálpa þessu fólki eða setja því mörk – því ætti það ekki bara að vera það sem samfélagið er búið að ákveða að það sé?

Þarna gæti eftirlit, eftirfylgni, stuðningur og hjálp sparað þjóðfélaginu gríðarlega fjármuni til lengri tíma litið, því eins og við vitum flest er ekki ókeypis að draga fólk ítrekað fyrir dóm. Getur verið að við viljum halda ákveðnum hópum niðri? Getur verið að það sé auðveldara að stimpla fólk vont en að hjálpa því að vera gott? Eða er okkur einfaldlega alveg sama?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Rán í miðborginni – Brimbrettamaður slasaðist

Rán í miðborginni – Brimbrettamaður slasaðist
Fréttir
Í gær

Hertar sóttvarnareglur taka gildi á þriðjudaginn

Hertar sóttvarnareglur taka gildi á þriðjudaginn
Fréttir
Í gær

Fósturfaðirinn sagði honum að kaupa sér sjálfur mat – Lenti saman eftir að sonurinn fékk sér pylsubrauð í eldhúsinu

Fósturfaðirinn sagði honum að kaupa sér sjálfur mat – Lenti saman eftir að sonurinn fékk sér pylsubrauð í eldhúsinu
Fréttir
Í gær

Sauð upp úr á Cafe Amour – Leitað að manni vegna líkamsárásar

Sauð upp úr á Cafe Amour – Leitað að manni vegna líkamsárásar
Fréttir
Fyrir 2 dögum

Hrólfur og Viðar ákærðir fyrir rúmlega 70 milljóna króna skattsvik

Hrólfur og Viðar ákærðir fyrir rúmlega 70 milljóna króna skattsvik
Fréttir
Fyrir 2 dögum
69 innanlandssmit
Fyrir 2 dögum

Það ber sig enginn vel – „Stína frænka má fokka sér“

Það ber sig enginn vel – „Stína frænka má fokka sér“
Fréttir
Fyrir 2 dögum

Uppnám hjá íslenskum aðdáendum Múmínálfanna – Kona sökuð um fjársvik í tengslum við sölu á Múmínbollum

Uppnám hjá íslenskum aðdáendum Múmínálfanna – Kona sökuð um fjársvik í tengslum við sölu á Múmínbollum
Fréttir
Fyrir 3 dögum

Uppþot á Brask og brall vegna sölu Tíu lítilla negrastráka

Uppþot á Brask og brall vegna sölu Tíu lítilla negrastráka
Fréttir
Fyrir 3 dögum

Valgeir fær engar bætur fyrir hótelbruna – Sat í gæsluvarðhaldi vegna gruns um íkveikju

Valgeir fær engar bætur fyrir hótelbruna – Sat í gæsluvarðhaldi vegna gruns um íkveikju