Mánudagur 18.nóvember 2019
Fréttir

Róttæklingarnir í Sea Shepherd mættir í fýluferð til Íslands: „Maður er náttúrulega búinn að halda þessu fólki í vinnu undanfarin ár“

Erla Dóra Magnúsdóttir
Fimmtudaginn 27. júní 2019 10:45

Ekki missa af Helstu tíðindum dagsins í pósthólfið þitt

Lesa nánar

Aðgerðarsinnar frá umhverfisverndarsamtökunum Sea Shepherd eru mættir til Íslands. Samtökin berjast einkum gegn veiðum á sjávardýrum. Þau komu hingað á skipinu MV Brigitte Bardot til að trufla hrefnuveiðar Íslendinga þetta sumarið. Liðsmenn samtakanna hafa sést taka myndir af hrefnuveiðibát og segir Gunnar Bergmann Jónsson, hrefnuveiðmaður, að samtökin séu hér í mikilli fýluferð þar sem hann stefni ekki á hrefnuveiðar þetta árið. Þetta kemur fram í Morgunblaðinu.

„Þeir eru að fara í mikla fýluferð því við erum ekki að fara á hrefnuveiðar í ár. þessi hópur hefðu nú betur hringt í mig í stað þess að mæta bara,“ segðir Gunnar í samtali við Morgunblaðið.„Ég hitti þá á bryggjunni þar sem við vorum að vinna í bátnum. Þeir voru þá að taka myndir af skipinu og ég sagði þeim bara ða það yrðu engar hvalveiðar á Íslandi 2019. Þeir þóttust þá vera mjög ánægðir, en maður er náttúrulega búinn að halda þessu fólki í vinnu undanfarin ár.“

Sea Shepard var stofnað af liðsmönnum Greenpeace sem vildu beita róttækari aðgerðum gegn veiðimönnum. Sea Shepherd kom til Íslands árið 1986 og sökktu þá tveimur hvalveiðiskipum, Hval 6 og Hval 7,  með því að opna botnlokur skipanna. Stofnandi samtakanna Paul Watson lýsir hvalveiðiskipum sem hryðjuverkavélum sem ógna hvölum á hafinu.

Gunnar Bergmann mun, líkt og áður segir, ekki veiða hrefnu í ár. Þess í stað mun hann veiða sæbjúgu. Sea Shepherd mun því ekki hafa erindi sem erfiði, ætli þeir sér að beita sér gegn skipi hans þetta árið. „Þeir hljóta að geta fundið sér eitthvað annað til að mótmæla.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Spurning vikunnar: Hvert er fallegasta orðið í íslenskri tungu?

Spurning vikunnar: Hvert er fallegasta orðið í íslenskri tungu?
Fréttir
Í gær

Samherjamálið ratar í heimspressuna: Ásakanir um mútur valda skjálfta á Íslandi og í Namibíu

Samherjamálið ratar í heimspressuna: Ásakanir um mútur valda skjálfta á Íslandi og í Namibíu
Fréttir
Fyrir 2 dögum

Eldur á Barónstíg – Tveir handteknir á vettvangi

Eldur á Barónstíg – Tveir handteknir á vettvangi
Fréttir
Fyrir 2 dögum

Leitaði ráða hjá Samherja um hvernig ætti að blekkja kvóta út úr Grænlendingum

Leitaði ráða hjá Samherja um hvernig ætti að blekkja kvóta út úr Grænlendingum