Um fátt hefur verið meira rætt undanfarna daga en sjómennina á Bíldsey SH-65 sem skáru sporð af Grænlandshákarli og hlógu sig máttlausa. Þremenningarnir í myndbandinu voru reknir og voru þeir fordæmdir af mörgum í samfélaginu.

Sjómenn eru ýmsu vanir og stundum fá þeir óvæntan afla um borð. DV barst ábending um myndband á YouTube sem tekið var af skipverjum um borð í Þór Hf 4, en þar hafði lifandi selur komið í trollið.

Myndbandið var tekið í janúar 2013 og er óhætt að segja að skipverjar hafi gert sitt til að tryggja að skepnan kæmist aftur í sitt náttúrulega umhverfi. Að lokum fór það svo að selurinn komst aftur í sjóinn og var eflaust frelsinu feginn.

Sjón er sögu ríkari en myndbandið má sjá hér að neðan.