fbpx
Mánudagur 20.maí 2019

DV - Frjáls og óháður miðill

Fréttir

Hjalti er fokreiður: Fullur poki af plastdrasli við Námaskarð – „Helvítis sóðar!“

Erla Dóra Magnúsdóttir
Miðvikudaginn 15. maí 2019 16:00

Ekki missa af Helstu tíðindum dagsins í pósthólfið þitt

Lesa nánar

Leiðsögumaðurinn Hjalti Björnsson vakti athygli á undarlegu og jafnvel umhverfisspillandi athæfi rútubílstjóra sem hann hitti fyrir við Námaskarð við Mývatn í Facebook-hópnum Bakland ferðaþjónustunnar.

„Ég plokkaði fullan poka af plastdrasli við Námaskarð í dag.

Það er ekki í frásögur færandi nema að þegar ég var að koma aftur á bílastæðið fann ég uppsprettuna.“

Uppsprettan reyndist vera ferðamenn sem gengu um staðinn í bláum einnota plasthlífum sem rútubílstjórar afhentu þeim. Var þetta gert til að fyrirbyggja það að óhreint yrði í rútunum.

„Sem sagt allt í lagi að menga náttúruna og sóða allt út með plasti. Ég tek fram að megnið af því sem ég týndi upp voru svona plasthlífar sem auðveldlega losna af skónum þegar gengið er um leirinn.“

Hjalti vék sér þá að einum bílstjóra og spurði hvort hann ætlaði sér ekki að hirða upp plasthlífarnar eftir farþega sína.

„Hann svaraði NEITANDI ekki mitt mál. Ég endurtók spurninguna og fékk sama svar þó ég sýndi honum draslið í pokanum. 6 rútur með 60 farþega hver og allir með tvær hlífar = 720 plasthlífar í hverri viku.

Í samtali við blaðamann sagði Hjalti að hann væri ekki að vekja athygli á athæfinu til að gagnrýna einhver tiltekin rútufyrirtæki, heldur bara að benda á að árið 2019 ætti fólk að vita betur og koma betur fram við náttúruna, jafnvel að taka virkan þátt í að bæta umhverfið með því að plokka og flokka, í stað þess að bæta gráu ofan á svart. Undanfarið hefur átt sér stað mikil vitundarvakning í íslensku samfélagi um þau áhrif sem samlíf okkar við náttúruna hefur haft. Stofnun Árna Magnússonar valdið orðið plokka sem orð ársins 2018 og í apríl lok var stóri plokkdagurinn haldinn hátíðlegur þar sem ekki minni maður en sjálfur forseti Íslands, Guðni Th. Jóhannesson lét sitt af mörkum.

Hjalti segir að það megi í raun kalla hann atvinnuplokkara, enda eyði hann drjúgum tíma í  hverjum mánuði við iðjuna. Í lok Facebook-færslunnar fór Hjalti nokkuð hörðum orðum um rútubílstjóra sem dreifa plasthlífum með ofangreindum hætti:

„Helvítis sóðar!“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

Framkvæmdastjóri Eflingar hæðist að Hatara: Hver ætlar að heimsækja þá í fangelsið?

Framkvæmdastjóri Eflingar hæðist að Hatara: Hver ætlar að heimsækja þá í fangelsið?
Fréttir
Í gær

Uppátæki Hatara kom Gísla Marteini ekki á óvart – Óttaðist verri uppákomur

Uppátæki Hatara kom Gísla Marteini ekki á óvart – Óttaðist verri uppákomur
Fréttir
Í gær

Lá í götunni á Mosfellsheiði

Lá í götunni á Mosfellsheiði
Fréttir
Í gær

Ljóst að eftirmál verða vegna uppátækis Hatara

Ljóst að eftirmál verða vegna uppátækis Hatara
Fréttir
Fyrir 2 dögum

Eldsvoðinn í rækjutogaranum: Sjáðu einstakar myndir frá vettvangi

Eldsvoðinn í rækjutogaranum: Sjáðu einstakar myndir frá vettvangi
Fréttir
Fyrir 2 dögum

Langveikum heyrnarlausum mismunað – Fastar í fátæktargildru á meðan aðrir njóta lífsins

Langveikum heyrnarlausum mismunað – Fastar í fátæktargildru á meðan aðrir njóta lífsins