Líkt og DV greindi frá fyrr í dag þá hefur nýstofnaða flugfélag Play ekki greitt starfsfólki sínu út laun fyrir nóvember. Samkvæmt áreiðanlegum heimildum DV höfðu laun ekki borist í gærkvöld.
Play hefur verið með starfsemi síðustu mánuði þó að flugrekstur sé ekki hafinn og hefur verið að greiða laun.
Sjá einnig: Play hefur ekki greitt út laun fyrir nóvember
Talsmaður Play svaraði ekki þegar DV gerði tilraun til að fá viðbrögð. María Margrét Jóhannsdóttir, upplýsingafulltrúi Play, sagði hins vegar í samtali við Vísi að vonir hafi staðið til að geta greitt laun um mánaðamótin.
Nú rétt í þessu birti Play hins vegar mynd af starfsfólki í jólastuði. Myndina má sjá hér fyrir neðan. Ekkert kemur fram um hvort þetta fólk fái laun.
