fbpx
Föstudagur 27.maí 2022
Fréttir

Efling afhjúpar lygar Eldum rétt – Starfsmenn kallaðir vörur: „Eldum rétt er á harðahlaupum undan sannleikanum í þessu máli“

Erla Dóra Magnúsdóttir
Föstudaginn 13. desember 2019 11:30

Ekki missa af Helstu tíðindum dagsins í pósthólfið þitt

Lesa nánar

Í tilkynningu sem barst rétt í þessu á fjölmiðla frá Eflingu stéttarfélagi kemur fram að dómsskjöl, í máli fjögurra fyrrverandi starfsmanna starfsmannaleigunnar Menn í vinnu gegn Mönnum í vinnu og fyrirtækinu Eldum rétt, sýni fram á að starfsmennirnir umræddu hafi unnið í upp undir mánuð fyrir Eldum rétt. Stangast þetta á við fullyrðingar framkvæmdastjóra Eldum rétt sem sagði umrædda starfsmenn aðeins hafa unnið í nokkra daga.

„Dómsskjöl sem fram hafa komið vegna stefnu rúmenskra verkamanna gegn fyrirtækinu Eldum rétt sýna að framkvæmdastjóri fyrirtækisins, Kristófer Júlíus Leifsson, fór ítrekað með ósannindi í fjölmiðlum fyrr á þessu ári um viðskipti fyrirtækisins við alræmda starfsmannaleigu. Hann sagði Eldum rétt aðeins hafa leigt fjóra menn af starfsmannaleigunni Menn í vinnu í fjóra daga en hið rétta er að Eldum rétt leigði mennina í þrjár til fjórar vikur. Að auki kemur fram að mennirnir voru ekki fjórir heldur sex.“

Menn í vinnu er gjaldþrota og standa skipti á þrotabúinu yfir. Efling er með 48 útistandandi launakröfur á hendur þrotabúinu og hefur þar að auki kært starfsmannaleigunna til Héraðssaksóknara fyrir umfangsmikla brotastarfsemi, þar á meðal mansal og nauðungarvinnu.

Starfsmenn skráðir sem vörur 

Samkvæmt reikningum starfsmannaleigunnar til Eldum rétt unnu starfsmennirnir í þrjár til fjórar vikur fyrir Eldum rétt. Nöfn þeirra eru skráð á reikningnum undir liðnum „vöruheiti“. Áður hafði framkvæmdastjóri Eldum rétt, Kristófer Júlíus Leifsson, greint frá því opinberlega að umræddir starfsmenn hefðu aðeins starfað fyrir hann í örfáa daga.

Í málinu sem nú er rekið fyrir Héraðsdóm mun reyna í fyrsta sinn á ákvæði laga um starfsmannaleigur um keðjuábyrgð.

„Eldum rétt nýttu sér bágindi verkafólks frá Austur-Evrópu í gegnum það sem ég tel réttast að kalla einhvers konar mansalshring, rekinn af alræmdum síbrotamönnum í starfsmannaleigubransanum. Framkvæmdastjórinn laug svo að fjölmiðlum í stað þess að fallast á boð um að rétta hlut þeirra,“ segir Sólveig Anna Jónsdóttir formaður Eflingar, í tilkynningu á fjölmiðla og vísar í samningaviðræður Eflingar við Eldum rétt í júní og júlí 2019.

„Eldum rétt er á harðahlaupum undan sannleikanum í þessu máli,“ segir Viðar Þorsteinsson framkvæmdastjóri Eflingar. „Málflutningur Eldum rétt í þessu máli hefur frá byrjun einkennst af undanbrögðum, ólíkt hinum notendafyrirtækjunum sem öll hafa verið fús að gangast við ábyrgð sinni. Viðbrögð þeirra eru til sóma. Það er hins vegar óbragð af Eldum rétt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Bryndís segir matsmann gera henni upp „falskar minningar“ um ofbeldi og vænir hana um lyfjaneyslu – Fimmta kvörtunin af tíu

Bryndís segir matsmann gera henni upp „falskar minningar“ um ofbeldi og vænir hana um lyfjaneyslu – Fimmta kvörtunin af tíu
Fréttir
Í gær

Bandaríkjastjórn íhugar að senda sérsveitarmenn til Úkraínu

Bandaríkjastjórn íhugar að senda sérsveitarmenn til Úkraínu
Fréttir
Í gær

Fyrrverandi besti vinur tónlistarmannsins sem sýknaður var í gær segir hann hafa nauðgað konunni sinni – „Ótrúlegt hvað einn einstaklingur getur skemmt út frá sér“

Fyrrverandi besti vinur tónlistarmannsins sem sýknaður var í gær segir hann hafa nauðgað konunni sinni – „Ótrúlegt hvað einn einstaklingur getur skemmt út frá sér“
Fréttir
Í gær

Ákærður fyrir að reyna að koma fölsuðum peningaseðlum í umferð

Ákærður fyrir að reyna að koma fölsuðum peningaseðlum í umferð
Fréttir
Fyrir 2 dögum

Handtekinn fyrir samsæri – Ætlaði að myrða Bush einum og hálfum áratug of seint

Handtekinn fyrir samsæri – Ætlaði að myrða Bush einum og hálfum áratug of seint
Fréttir
Fyrir 2 dögum

Ólafur Ágúst sagður höfuðpaurinn í umfangsmiklu fíkniefnamáli – Sjáðu myndbandið þegar lögreglan stöðvar för hans

Ólafur Ágúst sagður höfuðpaurinn í umfangsmiklu fíkniefnamáli – Sjáðu myndbandið þegar lögreglan stöðvar för hans