Umferðarslys varð fyrir skömmu á Suðurlandsvegi skammt vestan við Hvolsvöll þegar tvær bifreiðar lentu saman. Lögreglan á Suðurlandi greinir frá þessu á Facebook síðu sinni.
Í bílunum voru 3 erlendir aðilar. Tveir þeirra voru fluttir alvarlega slasaðir með þyrlu Landhelgisgæslunnar til aðhlynningar í Reykjavík en þriðja aðilanum var ekið þangað í sjúkrabíl þar sem hann var minna slasaður.
Suðurlandsvegur er lokaður sem stendur, en verið er að útbúa hjáleið.
Tildrög slyssins eru ókunn en unnið er að rannsókn.
