Áðan var úthlutað úr Barnamenningarsjóði Íslands fyrir árið 2019 við hátíðlega athöfn í Alþingishúsinu á degi barnsins.
Alls var samþykkt að veita 36 styrki að heildarupphæð 97,5 milljónum króna. Styrkhafar voru valdir af fimm manna valnefnd sem fór yfir umsóknir. Alls bárust 108 umsóknir. Samkvæmt tilkynningu frá stjórnarráðinu spanna verkefnin vítt svið lista og eru lýsandi fyrir víðfem áhugasvið barna og ungmenna sem og gróskumikið menningarstarf um land allt.
Hæstu styrkina hlutu verkefnin Söguheimurinn NORD, Handritin til barnanna og Menntun barna í söfnum.
Hæsta styrkin hlaut Borgarbókasafnið, 18.585.000 króna fyrir verkefni Sögurheimurinn NORD. Stofnun Árna Magnússonar í íslenskum fræðum hlaut rúmlega 9 milljónur fyrir verkefnið Handritin til barnanna. Listasafn Reykjavíkur hlaut 5,3 milljónir fyrir verkefnið Menntun barna í söfnum.