fbpx
Mánudagur 26.október 2020

Vondar vorrúllur á boðstólum

Kristinn H. Guðnason
Laugardaginn 23. mars 2019 17:30

Matgæðingar DV Slæmur dagur fyrir bragðlaukana.

Ekki missa af Helstu tíðindum dagsins í pósthólfið þitt

Lesa nánar

Haustið 1993 tók DV af skarið og útkljáði hvaða vorrúllur væru bestar á markaðinum. Vorrúllur voru geysivinsælar á þessum tíma, skyndimatur sem hentaði vel þeim sem unnu mikið. Voru vorrúllur mikið auglýstar og flestir þekktu vitaskuld Daloon vorrúllurnar. En hvernig komu þær út í samanburði við aðrar tegundir á markaði?

Matgæðingar DV voru Úlfar Eysteinsson, Dröfn Farestveit og Sigmar B. Hauksson. Þau voru margreynd og með bragðskerpuna upp á tíu. Mátu þau þær fjórar tegundir frystra vorrúlla sem á markaði voru; Daloon, Tortelle, Hverdag og Oriental Express. Samkvæmt pakkningum voru þó mismunandi aðferðir notaðir við hitun. Daloon og Tortelle skyldu hitaðar í ofni en hinar á pönnu. Kvarðinn var sá sami og gjarnan var notaður hjá DV, einkunn frá einum upp í fimm.

Heilt yfir ólystugar og með slæmri áferð

Athygli vakti að enginn matgæðingur gaf fimm stjörnur og munurinn á rúllunum heilt yfir var lítill. Fór svo að Tortelle sigraði með tíu stig, Hverdag hlaut níu en Oriental Express og Daloon rak lestina með átta.

Tortelle rúllurnar voru að mati Úlfars „matarmiklar og bragðgóðar“ en áferðin of lin. Dröfn var á öndverðum meiði og fannst kakan seig. Urðu það að teljast vonbrigði og áfellisdómur að þetta væru virkilega bestu vorrúllurnar sem Íslendingum bauðst.

Hverdag náði silfri en fékk ekki beint skjallandi umsagnir. „Lítið spennandi,“ sagði Dröfn og „frekar lin og bragðlítil,“ sagði Úlfar. Það var hins vegar Sigmar sem hífði Hverdag upp í einkunn.

Allir þekktu Daloon rúllurnar og gátu sungið lagið úr auglýsingunni. Engu að síður fengu þær brotlendingu hjá matgæðingum. Dröfn gaf þeim að vera „fallegastar í útliti“ en laukurinn yfirgnæfði allt. Sigmar sagði „bragðið vont og kryddið undarlegt.“ Úlfar var sá eini sem kunni að meta Oriental Express rúllurnar. Dröfn sagði þær „vondar og ólystugar“.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433
Fyrir 4 klukkutímum

Þrír Íslendingar með 13 rétta – 3,5 milljón á hvern aðila

Þrír Íslendingar með 13 rétta – 3,5 milljón á hvern aðila
Fókus
Fyrir 4 klukkutímum

Ágúst ætlaði að panta bílbelti á Ali – „Þetta er það sem ég fékk sent“

Ágúst ætlaði að panta bílbelti á Ali – „Þetta er það sem ég fékk sent“
433Sport
Fyrir 5 klukkutímum

Legghlífar Vardy og það sem stendur á þeim vakti mikla athygli

Legghlífar Vardy og það sem stendur á þeim vakti mikla athygli
Fyrir 6 klukkutímum

Líklega er um tvö þúsund urriðar í Öxará

Líklega er um tvö þúsund urriðar í Öxará
Pressan
Fyrir 8 klukkutímum

Telur að bóluefni gegn kórónuveirunni verði tilbúið snemma á næsta ári

Telur að bóluefni gegn kórónuveirunni verði tilbúið snemma á næsta ári
Pressan
Fyrir 8 klukkutímum

Gleymdi eiginkonunni á áningarstaðnum – „Hún sefur í aftursætinu“

Gleymdi eiginkonunni á áningarstaðnum – „Hún sefur í aftursætinu“
433Sport
Fyrir 17 klukkutímum

Manchester United hefði sigrað Chelsea með fulla stúku

Manchester United hefði sigrað Chelsea með fulla stúku
Pressan
Fyrir 17 klukkutímum

Konur á aldrinum 50 til 60 ára í mestri hættu á að fá „langvarandi COVID-19“

Konur á aldrinum 50 til 60 ára í mestri hættu á að fá „langvarandi COVID-19“