fbpx
Mánudagur 21.júní 2021

Vondar vorrúllur á boðstólum

Kristinn H. Guðnason
Laugardaginn 23. mars 2019 17:30

Matgæðingar DV Slæmur dagur fyrir bragðlaukana.

Ekki missa af Helstu tíðindum dagsins í pósthólfið þitt

Lesa nánar

Haustið 1993 tók DV af skarið og útkljáði hvaða vorrúllur væru bestar á markaðinum. Vorrúllur voru geysivinsælar á þessum tíma, skyndimatur sem hentaði vel þeim sem unnu mikið. Voru vorrúllur mikið auglýstar og flestir þekktu vitaskuld Daloon vorrúllurnar. En hvernig komu þær út í samanburði við aðrar tegundir á markaði?

Matgæðingar DV voru Úlfar Eysteinsson, Dröfn Farestveit og Sigmar B. Hauksson. Þau voru margreynd og með bragðskerpuna upp á tíu. Mátu þau þær fjórar tegundir frystra vorrúlla sem á markaði voru; Daloon, Tortelle, Hverdag og Oriental Express. Samkvæmt pakkningum voru þó mismunandi aðferðir notaðir við hitun. Daloon og Tortelle skyldu hitaðar í ofni en hinar á pönnu. Kvarðinn var sá sami og gjarnan var notaður hjá DV, einkunn frá einum upp í fimm.

Heilt yfir ólystugar og með slæmri áferð

Athygli vakti að enginn matgæðingur gaf fimm stjörnur og munurinn á rúllunum heilt yfir var lítill. Fór svo að Tortelle sigraði með tíu stig, Hverdag hlaut níu en Oriental Express og Daloon rak lestina með átta.

Tortelle rúllurnar voru að mati Úlfars „matarmiklar og bragðgóðar“ en áferðin of lin. Dröfn var á öndverðum meiði og fannst kakan seig. Urðu það að teljast vonbrigði og áfellisdómur að þetta væru virkilega bestu vorrúllurnar sem Íslendingum bauðst.

Hverdag náði silfri en fékk ekki beint skjallandi umsagnir. „Lítið spennandi,“ sagði Dröfn og „frekar lin og bragðlítil,“ sagði Úlfar. Það var hins vegar Sigmar sem hífði Hverdag upp í einkunn.

Allir þekktu Daloon rúllurnar og gátu sungið lagið úr auglýsingunni. Engu að síður fengu þær brotlendingu hjá matgæðingum. Dröfn gaf þeim að vera „fallegastar í útliti“ en laukurinn yfirgnæfði allt. Sigmar sagði „bragðið vont og kryddið undarlegt.“ Úlfar var sá eini sem kunni að meta Oriental Express rúllurnar. Dröfn sagði þær „vondar og ólystugar“.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Pressan
Fyrir 4 klukkutímum

COVID-19 hneyksli skekur Svíþjóð – Tóku 100.000 sýni en sendu þau ekki í rannsókn

COVID-19 hneyksli skekur Svíþjóð – Tóku 100.000 sýni en sendu þau ekki í rannsókn
Pressan
Fyrir 4 klukkutímum

Ákærður fyrir að blekkja 15 ára stjúpdóttur sína til samfara

Ákærður fyrir að blekkja 15 ára stjúpdóttur sína til samfara
Fókus
Fyrir 13 klukkutímum

„Mér þykir enn vænt um son minn – jafnvel þó hann sé barnaníðingur“

„Mér þykir enn vænt um son minn – jafnvel þó hann sé barnaníðingur“
Fréttir
Fyrir 13 klukkutímum

Nærmynd af Michele Ballarin: Svakalegur ferill skoðaður – Frá Al Qaeda-njósnum til WOW

Nærmynd af Michele Ballarin: Svakalegur ferill skoðaður – Frá Al Qaeda-njósnum til WOW
433Sport
Fyrir 16 klukkutímum

Pepsi-Max: Stjarnan að komast á skrið – Enn tapar ÍA

Pepsi-Max: Stjarnan að komast á skrið – Enn tapar ÍA
433Sport
Fyrir 17 klukkutímum

Pepsi-Max: Mikilvægur sigur Valsmanna í skemmtilegum leik – Þrjú vítaklúður

Pepsi-Max: Mikilvægur sigur Valsmanna í skemmtilegum leik – Þrjú vítaklúður
Fókus
Fyrir 17 klukkutímum

Ástrós Trausta komin með kærasta – Sá heppni er framkvæmdastjóri

Ástrós Trausta komin með kærasta – Sá heppni er framkvæmdastjóri