Jennifer Lopez og Shakira sjá um sýninguna í hálfleik Super Bowl 2020
Söngkonurnar Jennifer Lopez og Shakira munu sjá um sýninguna í hálfleik Super Bowl 2020.
Super Bowl er er úrslitaleikur NFL deildarinnar í amerískum fótbolta. Þetta er einnig stærsti sjónvarpsviðburður ársins í Bandaríkjunum.
Heimsfrægir tónlistarmenn eru með rosaleg atriði í hálfleik. Í ár var það Maroon 5 sem sá um atriðið, árið á undan því var það hann Justin Timberlake og fyrir það var Lady Gaga með ógleymanlegt atriði.
Two ? ? First time together on stage…on the world’s biggest stage. Welcome @JLo and @shakira to #PepsiHalftime #SBLIV @RocNation @NFL pic.twitter.com/ks1p9FbMLB
— Pepsi (@pepsi) September 26, 2019
Á næsta ári sjá tvær öflugar söngkonur um atriðið, þær J-Lo og Shakira. Þetta er í fyrsta skipti sem þær koma fram saman á sviði. Þær eru báðar rosalegir dansarar og höfum við tilfinningu fyrir því að þetta verður magnað atriði!
Super Bowl verður 2. febrúar 2020.