Þjóðarsorg ríkir hér á landi eftir að fregnir bárust af því að Birna Brjánsdóttir hefði fundist látin við Selvogsvita. Yfirgnæfandi líkur eru á því að Birnu hafi verið ráðin bani. Tveir menn eru grunaðir um aðild að hvarfi Birnu.
Margir hafa tjáð sig á samskiptamiðlum um andlát Birnu. Einn af þeim er Birgir Örn Guðjónsson, betur þekktur sem Biggi lögga:
„Takk Birna fyrir að sýna okkur að við erum bara ein stór fjölskylda.
Takk Birna fyrir að kenna okkur að við eigum að gæta bróður okkar og systur.
Takk Birna fyrir að sýna okkur að kærleikurinn sameinar okkur.
Takk Birna fyrir allt það sem þú hefur kennt okkur sem þjóð.
Takk Birna.
Takk.
Fyrirgefðu Birna að lífi þínu var stolið.
Fyrirgefðu Birna að framtíð þinni var rænt.
Fyrirgefðu Birna að þú gast ekki gengið óhult heim.
Fyrirgefðu Birna að við gættum þín ekki.
Fyrirgefðu Birna.
Fyrirgefðu……“
