Það hefur vart farið framhjá nokkrum manni í morgun að Donald Trump verður næsti forseti Bandaríkjanna. Þá eru margir hræddir við framhaldið en óhætt er að segja að Trump eigi eftir að verða einn umdeildasti Bandaríkjaforseti sögunnar.

Í aðdraganda kosninganna sögðu þekktar Hollywood stjörnur sitt álit á frambjóðendunum Hillary Clinton og Donald Trump. Flestir voru í liði með Hillary.

Nokkrar stórstjörnur tóku stuðninginn skrefinu lengra með því að lýsa því yfir að flytja til Kanada ef Trump stæði uppi sem sigurvegari. Það eru:

Bryan Cranston: Breaking Bad stjarnan segir Trump afbrigðilegt fyrirbrigði frá mannkyninu. Þá kvaðst hann jafnframt ætla að flytja til Kanada ef samlanda hans myndu kjósa Trump sem forseta. „Ég myndi pottþétt flytja. Mér finnst ólíklegt að hann verði kosinn en að sama skapi bið ég til guðs að það verði ekki.“

Chelsea Handler: Spjallþáttastjórnandinn Chelsea sagði í þættinum sínum sem er á Netflix að hún þurfi að flytja til Kanada ef Trump yrði forseti. „Ég held að mörg okkar eigi eftir að flytja til Kanada ef hann vinnur Clinton.“

Stephen King: Í viðtali við Washington Post í september sagði King að hann myndi flytja flytja frá Maine, þar sem hann er búsettur, og til Kanada þar sem Trump hræði hann meira en nokkuð annað.

Keegan-Michael Kay: Kay&Peele stjarnan sagði í samtali við slúðurmiðillinn TMZ að hann myndi klárlega flytja frá Michigan til Kanada ef Trump yrði forseti.

Lenda Dunhan: Sagði í samtali við The Hollywood Reporter að þó svo að fjölmargir hefðu hótað því að flytja til Kanada ef Trump yrði forseti yrði hún ein þeirra sem myndi standa við stóru orðin.

Neve Campbell: „Þetta er mjög ógnvekjandi. Minn stærsti ótti er að Trump sigri,“ sagði Campbell og bætti við að hún myndi ekki hika við að flytja aftur á heimaslóðirnar í Kanada.

Barbara Streisand: Í viðtali í ágúst sagði Streisand að hún hún myndi umsvifalaust flytja frá Bandaríkjunum og þá helst til Kanada ef Trump yrði forseti.

Miley Cyrus: Hún lét hafa eftir sér að það yrði algjör martröð ef Trump myndi vinna kosningarnar. Því myndi hún hiklaust flytja til Kanada.

George Lopez: Ef Trump vinnu þá þarf hann allavega ekki að óttast innflytjendur. Við förum öll aftur. Þá til dæmis til Kanada.