„Ég er leiður en ætla að vera hugrakkur.“
Átta ára drengur skrifaði um helgina bréf til látinnar móður sinna en lík hennar fannst við fjölfarna hraðbraut á Bretlandi síðastliðinn fimmtudag.
Lögreglan fékk ábendingu um að lík hefði fundist við hraðbrautina sem er í Cheshire. Í framhaldinu var gefin út tilkynning að líkið væri af 29 ára konu, Ellia Arathoon, en hennar hún hvarf sporlaust föstudaginn 28 september. Búið er að ákæra karlmann í tengslum við morðið.
Einkasonur Ellia, Reece Dunne, skrifaði bréfið sem birtist hér að neðan með aðstoð föður síns. Faðir drengsins, John Dunne, ákvað að birta það opinberlega í þeim tilgangi að sýna almenningi afleiðingarnar af þessum skelfilega glæp sem hefur umturnað lífi sonar þeirra.
Í bréfinu segir:
Til mömmu. Ég elska þig út af lífinu.
Ég vilid óska að þú værir ekki dáin. Ég man að við lékum okkur saman og það gladdi mig mikið. Ég veit að þú ert engill núna og að þú getur alltaf fylgst með mér. Ég er leiður en ég ætla að vera hugrakkur.
Þinn Reece.
John segir jafnframt, í samtali við Daily Mail, að hann eigi nú í fullu fangi með að halda syni þeirra frá fjölmiðlafárinu sem nú geisar í kringum morðið. Þá segir hann að hans bíði stórt verkefni.
„Mæðginin gerðu allt saman. Sambandið þeirra var mjög náið og ég á eftir að eiga í fullu fangi með að hjálpa honum að finna taktinn í lífinu án hennar.“
