Leiklistarhjónin Tinna Hrafnsdóttir og Sveinn Geirsson hafa sett íbúð sína á Laugarásvegi 47 á sölu. 

Sjónvarpsþættirnir Hildur sem Tinna leikstýrir gerðir eftir fyrstu bók Satu Rämö eru nú sýndir á Sjónvarpi Símans, en þættirnir hafa slegið í gegn hérlendis og enn frekar í Finnlandi.

Íbúðin er á 2. hæð í þriggja íbúða húsi sem byggt var árið 1959.

Sérinngangur er í íbúðina í gegnum garð sem henni fylgir. Íbúðin skiptist í anddyri með stiga upp í íbúðina, hol, eldhús og stofu í einu rými, baðherbergi og þvottahús.

Gengið er upp stiga í herbergjaálmu þar sem eru þrjú svefnherbergi.

Svalir ná endilangt yfir stofuna og geymsluskúr er í garðinum.

Nánari upplýsingar um eignina má finna hér.