Grínistinn Chelsea Handler lét fötin flakka og hélt upp á 51 árs afmælið í snjónum í Finnlandi.
Handler deildi mynd á Instagram þar sem hún stendur í snjónum aðeins klædd húfu á afmælisdegi sínum þann 25. febrúar.
Á fleiri myndum má sjá hana á snjósleða, njóta norðurljósanna með kærastanum, í kofa sem þau gistu í og gæða sér á afmælisköku.
„Ég ákvað að það væri kominn tími til að minna mig á náttúrufegurð þessa heims, svo ég skellti mér til Finnlands fyrir norðurljós og snjóhús. Einn friðsælasti staður sem ég hef nokkurn tímann komið á og fékk að halda upp á afmælið mitt við norðurheimskautsbauginn í afmælisfötunum mínum.“
View this post on Instagram
Handler minnist ekki á manninn sem er með henni í ferðinni en aðdáendur hennar tóku strax eftir að um nýjan kærasta er að ræða.
Fyrir ári síðan blés hún kertin á afmælisköku sinni. „Ég er að óska mér einhvers. Þetta er um mann!“ grínaðist hún. Í janúar sagðist Handler vera að hitta mann. „Það er nýr maður í bænum,“ sagði hún í hlaðvarpinu Not Skinny But Not Fat. Sagðist hún opin fyrir sambandi, maðurinn væri bandarískur og hún væri „viss um að hann hefði egó.“
