LaBeouf var handtekinn þann sautjánda þessa mánaðar eftir að hafa ráðist á tvo menn fyrir utan skemmtistað í French Quarter-hverfinu í tengslum við Mardi Gras-hátíðina í borginni.
Átökin náðust á myndband og virtist leikarinn vera í annarlegu ástandi þetta kvöld.
LaBeouf hefur verið sleppt úr haldi en samkvæmt úrskurði dómara þurfti hann að reiða fram 100 þúsund dollara tryggingu. Þá þarf hann að fara í meðferð sem fyrr segir.
Samkvæmt frásögnum bandarískra fjölmiðla mun LaBeouf hafa látið niðrandi ummæli falla inni á bar í borginni með þeim afleiðingum að starfsfólk vísaði honum út. Fyrir utan staðinn lét hann öllum illum látum og sló tvo menn, þar á meðal barþjón.
LaBeouf sjálfur var fluttur á sjúkrahús vegna ótilgreindra meiðsla áður en hann var færður í varðhald. Dómari málsins sagðist hafa áhyggjur af því að leikarinn tæki ekki vanda sinn nægilega alvarlega og nefndi sérstaklega áfengisfíkn hans.
