James lést í fyrradag, 48 ára að aldri, eftir tveggja ára baráttu við ristilkrabbamein. Hann lætur eftir sig eiginkonu, Kimberly, og sex börn: Olivia, 15 ára, Joshua, 13, Annabel, 12, Emilia, 9, Gwendolyn, 7, og Jeremiah, 4.
Alfonso og James voru góðir vinir og er James til dæmis guðfaðir Gwendolyn.
Í færslu á Instagram sagði Alfonso að hann hafi verið hjá James skömmu áður en hann lést. „Þessi mynd var tekin af @vanderkimberly nokkrum mínútum áður en ég kvaddi hann í síðasta sinn […] Ég sakna hans mjög mikið nú þegar,” sagði Alfonso.
Hann minntist einnig vinar síns skömmu eftir að tilkynnt var um andlát hans.
„Ég er alveg niðurbrotinn núna vegna fráfalls vinar míns @vanderjames í dag. Hann var sannur vinur, bróðir og leiðsögumaður í gegnum lífið. Ég stóð við hlið hans í þessari hræðilegu baráttu.”
Þá sagði Alfonso að þau hjónin, James og Kimberly, hefðu breytt lífi hans.
„Ég mun ávallt standa í þakkarskuld fyrir allt sem þau hafa gefið mér og fjölskyldu minni. Hann mun lifa að eilífu í hjarta mínu. Ég mun alltaf vera til staðar fyrir börnin þeirra. Ég mun ætíð líta á hlutverk mitt sem guðfaðir Gwen sem eitt það mikilvægasta í lífi mínu. Ég elska þig, James, og veit að ég hef verndarengil sem fylgist með mér. Að hafa getað kvatt þig um helgina mun ávallt reynast mér dýrmætt. Hvíl í friði, bróðir minn. Hvíl í friði.“
