Áhrifavaldurinn Sunneva Einarsdóttir gerði einfalda uppskrift sem hefur verið að vekja athygli á TikTok, en það var raunveruleikastjarnan Bethenny Frankel sem gerði svokallaða „ofurfyrirsætusnarlið“ frægt á miðlinum.

„Þetta er það sem allar ofurfyrirsæturnar eru að borða núna,“ sagði Sunneva.

„Það sem þarf er tómatur og kotasæla. Ég elska kotasælu, get borðað hana í öll mál.“

Sunneva blandaði kotasælunni við Dijon sinnep, og setti síðan blönduna á tómatsneið, bætti við kjúklingabringuáleggi. Hún hefði síðan viljað bæta við „Everything but bagel“ kryddinu en átti það ekki til og setti í staðinn chilli flögur og salt.

Efst fór önnur tómatsneið svo þetta var eins og samloka.

„Ókei, vá. Þetta er geðveikt gott. Mjög einfalt,“ sagði Sunneva eftir að hafa smakkað.

„10 af 10, mæli með.“

@sunnevaeinarsnei þið verðið að smakka 🍅♬ original sound – Sunneva Einars 🌸