Svona hefst pistill konu sem kemur fram í skjóli nafnleysis á Reddit. Hún leitar ráða hjá netverjum.
„Ég var glöð fyrir hennar hönd. Þetta er ekki persónulega minn tebolli, en hún virtist mjög spennt og ég er alltaf glöð þegar vinir mínir eru glaðir,“ segir konan.
„En síðan þá hef ég tekið eftir hegðunarmynstri hjá henni sem veldur mér áhyggjum,“ segir hún og útskýrir nánar:
„Hún er með Ozempic, þyngdartap og mat á heilanum. Um daginn vorum við í bröns saman og hún talaði nánast stanslaust um það. Þegar ég sagði henni hversu spennt ég væri að prófa latkes (sérréttur hjá veitingastaðnum) þá hló hún og sagðist ekki geta borðað það lengur því maginn hennar er „svo lítill“ á Ozempic.
Síðan 10 mínútum seinna hætti hún ekki að tala um hversu ánægð hún væri með að hafa misst tæp fjögur kíló þá viku. Hún sagði mér síðan í smáatriðum um hvernig er að stinga sig með nálinni, gaf mér ráð og alls konar sem hún hefur lært á Ozempic.“
Konan segir að umrædd máltíð hafi alls ekki verið eindæmi. „Hún talar um þetta í hópsamræðunum okkar á samfélagsmiðlum, skilaboðum okkar á milli og þegar við hittumst. Ég er búin að heyra fullt af sögum um „matarlæti“ (e. food noise) og skrýtnar aukaverkanir,“ segir hún.
„Hingað til hef ég bara hlustað og reynt að láta eins og þetta sé eins og hvert annað umræðuefni (ég samt spyr oftast ekki spurninga út í málefnið) því þetta virðist skipta hana máli og ég vil ekki loka á vinkonu mína þegar hún er að deila með mér einhverju stóru sem er í gangi í lífi hennar.
En, ef ég á að vera alveg hreinskilin þá lætur allt þetta þyngdartapstal mér líða illa með mig sjálfa.“
Konan biður netverja um ráð. „Ég er að bíða aðeins lengur og vona að hún róist aðeins, að þetta sé bara svona spennandi meðan þetta er nýtt, áður en ég reyni að tala um þetta við hana. Ég er hrædd um að móðga hana eða að hún haldi að ég sé afbrýðisöm.“
