Benedikt Bjarnason, tölvunarfræðingur, sem kallaður er Bensi í vinahóp sínum, hefur sett íbúð sína við Naustavör í Kópavogi á sölu.
Benedikt og kærasta hans, Sunneva Eir Einarsdóttir, fögnuðu fimm ára sambandsafmæli í lok ágúst, en Sunneva er einn vinsælasti áhrifavaldur landsins. Benedikt er sonur Bjarna Benediktssonar forsætisráðherra og Þóru Margrétar Baldvinsdóttur hönnunarráðgjafa.
Fyrr í dag greindi Sunneva frá því að hún hefði skilað inn bílaleigubíl sem hún hefur keyrt í nokkra mánuði og hversu erfitt hún ætti með að segja skilið við bílnúmerið. Það er spurning hvað gerist þegar íbúð Bensa selst.
Sjá einnig: Sunneva átti erfitt með að kveðja goðsagnakennda bílnúmerið – „Þetta er búið að vera svo gaman en samt mjög vandræðalegt“
Íbúðin er 108,3 fm á fyrstu hæð í fjögurra hæða fjölbýlishúsi sem var byggt árið 2020. Eignin skiptist í: forstofu, hol, sjónvarpsrými, hjónaherbergi með góðum fataskápum, baðherbergi með þvottaaðstöðu, eldhús með eyju, stofu og borðstofu. Íbúðin er með 3,3 fermetra austur svölum og 19,4 fm vestur verönd, sér geymsla 9,9 fm í kjallara og sérmerkt og rúmgott stæði í bílageymslu.
Benedikt keypti íbúðina árið 2020 fyrir 57,3 milljónir, ásett verð núna er 104,9 milljónir króna.
Nánari upplýsingar um eignina má finna hér.
