Hún hefur starfað í kynlífsiðnaðinum um árabil og segir í samtali við news.com.au að frá upphafi hafi stór hluti viðskiptavina hennar verið karlmenn sem eru giftir eða í sambandi. En undanfarið hefur hún tekið eftir því að sá hópur hefur stækkað.
„Fyrir marga er framhjáhald fantasía,“ segir Hawthorne, 29 ára.
„Það fylgir því oft mikill spenningur að halda einhverju leyndu og að gera eitthvað tabú, eins og að halda framhjá, getur aukið kynferðislega spennu og ánægju,“ segir Hawthorne og bætir við að hún skilji af hverju þetta er heillandi tilhugsun.
„Hugsaðu um öll þau skipti sem þú hittir nýjan maka eða bólfélaga, ástríðan og spennan er svo mikil þegar allt er svo nýtt,“ segir hún.
„En síðan ertu í sambandi og sérð ekki fyrir þér að þú munir upplifa þessa nýju tilfinningu aftur.“
Hawthorne segir að það sé til leið að endurvekja þessar tilfinningar á heilbrigðan og skynsamlegan máta, án þess að halda framhjá.
„Talaðu við makann þinn um kynlífsfantasíur þínar og athugaðu hvort hann sé til í þetta. Hlutverkaleikir eru frábær leið til að leika framhjáhaldsfantasíu án þess að leggja sambandið að veði.“
Hún segir að það sé hægt að fara með þetta alla leið, klæða sig í fínni föt og fara út á lífið og þykjast ekki þekkja makann þinn og láta eins og þið séuð að hittast í fyrsta skipti.
Eins og fyrr segir er Hawthorne einn vinsælasti klámstreymir Ástralíu. Hún segir að hún fái oft skilaboð og beiðnir frá karlmönnum sem eru í sambandi.
„Lang vinsælustu beiðnirnar mínar tengjast framhjáhaldsfantasíum. Mjög mörgum karlmönnum deymir um að halda framhjá,“ segir hún.
„Held ég að þessir karlmenn myndu láta til skarar skríða ef þeir fengu tækifæri til þess? Já, ég held að margir myndu gera það, en ekki allir.“
Hawthorne segir að hún hefur tekið eftir því að karlmenn séu orðnir frakkari þegar kemur að þessu.
„Það var einn viðskiptavinur sem hringdi oft í mig þegar hann var uppi í rúmi. Hann sneri síðan símanum sínum við til að sýna mér kærustuna hans sem var sofandi við hliðina á honum,“ segir hún.
„Þetta er frekar algengt,“ segir hún og nefnir eitt sem er orðið vinsælt hjá karlmönnum sem halda framhjá: „Ég er líka oft beðin um að nota nafn eiginkonu þeirra í hlutverkaleiknum.“
Hún nefnir einnig annað, að hún sé oft beðin um að leika hjákonu sem tælir karlmanninn. „Í þeim hlutverkaleik er ég vonda manneskjan sem er að „láta þá halda framhjá“ og karlmaðurinn bara að fullnægja þörfum sínum.“
Hawthorne segir að þessi fantasía snúist fyrst og fremst um að karlmanninum líði eins og hann sé aðlaðandi og að einhver vilji hann.
