Á fimmta hundrað ungra kjósenda löggðu leið sína í Grósku laugardagskvöldið 23. nóvember í „Kosningapartýið 2024“, viðburð Ungra Miðflokksmanna.
Tilefnið var að eiga gott kvöld saman og keyra af stað lokaviku kosningabaráttunnar. Anton Sveinn McKee og Sigmundur Davíð fluttu ræður og héldu Séra Bjössi, Húbba Búbba og DJ Ökull stemningunni uppi á meðan viðburðinum stóð. Marinó Máni Mabazza var kynnir.
Sigmundur Davíð lét sér ekki nægja að flytja ræðu heldur tók hann sporið með gestum við mikinn fögnuð. Forsætisráðherrann fyrrverandi er greinilega vinsæll hjá unga fólkinu en í fréttatilkynningu um viðburðinn kemur fram að hann hafi varla komist út vegna biðraða af ungmennum sem vildu myndir af stjórnmálamanninum.
Í samantekt ungra Miðflokksmana á TikTok má sjá myndskeið frá kvöldinu og þar sést Sigmundur Davíð stíga trylltan dans:
@ungir_xm Takk fyrir geggjað kvöld! 😮💨 #fyp #fyrirþig #kosningar2024 #kosningar #miðflokkurinn ♬ original sound – Ungir Miðflokksmenn
Anton Sveinn McKee, formaður Freyfaxa og frambjóðandi í 4. sæti í Suðvesturkjördæmi var kátur eftir viðburðinn: „Maður er hálf orðlaus yfir þeim fjölda sem mætti hérna í kvöld. Við vissum ekkert við hverju við áttum að búast, enda nýbúin að stofna ungliðahreyfinguna, en okkur tekst greinilega vel að ná til yngri kjósenda. Þegar mest var voru um 300 inni í salnum á sama tíma og geggjuð stemning, síðan voru margir sem voru að flakka á milli og held ég það það megi segja að hátt upp í 500 einstaklingar hafi lagt leið sína hingað í kvöld,“ er haft eftir honum í áðurnefndri fréttatilkynningu.
Þar segir að oddvitar og aðrir frambjóðendur á höfuðborgarsvæðinu hafi verið á staðnum og rætt við gesti og hugsanlega kjósendur.
Svipmyndir frá kvöldinu:
