Grímur Atlason, framkvæmdastjóri Geðhjálpar, hefur leitað á náðar Facebook til að hafa uppi á tveimur mönnum sem hann telur mögulega hálfbræður sína. Hann hafi leitað ættingja sinna undanfarna mánuði en leitin nú rekin í strand. Grímur hafi því ákveðið að opinbera leit sína í von um að einhver geti liðsinnt.

Segir Grímur að málið megi rekja til þess að fyrir 12 árum hafi hann komist að því að uppeldisfaðir hans hafi ekki verið líffræðilegur faðir hans. Í kjölfarið hafi Grímur fengið þau sláandi tíðindi að líffræðilegan faðir hans væri ekki að finna á Íslandi.

Það hafi tekið tíma að melta þessar upplýsingar, en nú sé kominn tími til að gera eitthvað í málinu og finna ræturnar. Grímur veit hver faðir hans var, David Gwyn Parson. Hins vegar hefur Grímur líka fengið upplýsingar um að David hafi látið lífið árið 1981.  David kom frá Wales en var búsettur í Dublin þremur árum áður en hann kom til Íslands árið 1970. David átti tvö syni áður en hann kom hingað til lands, þá Mark og Timothy sem Grímur leitast nú eftir að hafa uppá.

„Undanfarna mánuði hef ég reynt að hafa uppi á þessu fólki, líffræðilegri fjölskyldu minni en ég virðist nú komin í öngstræti. Því hef ég ákveðið að opinbera leit mína í von um að fólk í Wales eða öðrum stöðum geti aðstoðað mig. Ég bið alla sem hafa tengsl við Wales að deila þessari færslu. Af einlægni óska ég eftir hjálp við leitina að fjölskyldu minni“