Þekktustu og vinsælustu ofurfyrirsætur allra tíma sameinast á forsíðu tímaritsins Vanity Fair. 

Ljósmyndararnir Luigi og Iango settu sér það markmið að fá öll stærstu nöfnin í bransanum saman, og það má svo sannarlega segja að það markmið hafi náðst.

Nýjasta tölublað Vanity Fair „Fashion Issue“ inniheldur yfir tugi af þekktustu ofurfyrirsætunum frá árunum 1960 til 1990, þar á meðal Naomi Campbell, Cindy Crawford, Iman og Twiggy.

Auk forsíðumyndarinnar þar sem flestar sitja fyrir í svörtum fatnaði var hver og ein fyrirsæta mynduð í svarthvítu. Fyrirsæturnar, sem eru á aldrinum 47 ára til 79 ára, klæddust glæsilegum fatnaði á skemmtilegum myndum. Sumar breyttu hárgreiðslu sinni á milli mynda.

Nokkrar þeirra, eins og Eva Herzigova, Helena Christensen og Stephanie Seymour skildu lítið eftir fyrir ímyndunaraflið.

Cindy Crawford fékk einnig eigin forsíðu klædd í Versace kjól. Hér er hún í Dolce & Gabbana blúndu undirfatasetti parað við lærháa sokka og hæla.