Íslenska kvennalandsliðið í knattspyrnu safnar nú kröftum fyrir fyrsta leikinn í Þjóðadeildinni, gegn Wales, sem fer fram á föstudaginn kl. 18. Stelpurnar okkar gerðu sér glaðan dag til að hrista hópinn saman og heimsóttu veitingastaðinn Olifa La Madre Pizza á Suðurlandsbraut 12, sem er einmitt í eigu fyrrum landsliðsmanns í knattspyrnu, Emils Hallfreðssonar.

Olifa La Madre Pizza er hugarfóstur hjónanna Ásu Maríu Reginsdóttur og Emils, en þau hafa búið á Ítalíu síðastliðin 15 ár þar sem Emil hefur leikið knattspyrnu. Olifa ferðalagið hófst í eldhúsinu hjá þeim á Ítalíu þegar þau stofnuðu Olifa fyrirtækið og hófu að flytja inn ítalskar upprunavottaðar jómfrúarolíur og fleiri hágæða upprunavottaðar vörur undir merkjum Olifa. Nú hefur þetta ferðalag borið nýjan ávöxt í Pala pizzunum á Olifa La Madre pizza. 

Pala pizza heitir tegund pizzunnar sem Olifa hefur nú fært Íslendingum. Þetta er ný gerð af pizzu sem nýtur sívaxandi vinsælda á Ítalíu, höfuðvígi pizzunnar í heiminum. Pala pizza er ólík hinni hefðbundnu Pizza Napoletana á marga vegu, sér í lagi að hún er ekki hringlaga heldur ferhyrnd. Pizzan dregur nafn sitt af ílangri viðarskóflu, Pala, sem notuð er til þess að færa pizzadeigið í ofninn. 

Olifa La Madre Pizza er á tveimur stöðum í Reykjavík, á Suðurlandsbraut 12 þar sem Eldsmiðjan var áður til húsa og í nýrri Krónuverslun í Skeifunni.

Við hvetjum áhugasama til að fylgjast með Olifa og Ásu Regins á Instagram, en Ása  sýnir reglulega frá lífi sínu og fjölskyldunnar í Verona á Ítalíu.

Sjá einnig: Landsliðið safnaði kröftum á Olifa fyrir stórleik móti Portúgal