Ísdrottningin Ásdís Rán Gunnarsdóttir flutti til Búlgaríu árið 2008 og bjó þar til 2017, þá flutti hún aftur til Íslands en flakkar mikið á milli landanna tveggja. Hún er gestur vikunnar í nýja lífsstílsþættinum Fókus á DV og segir mikinn mun á stefnumótamenningunni þar og hérlendis.
„Karlmennirnir eru miklu meiri herramenn í Búlgaríu. Til dæmis, ég segi alltaf við vini mína áður en ég fer með þá út að borða ef ég er með Íslendinga eða eitthvað svoleiðis, að ef það er karlmaður á borðinu þá borgar hann alltaf. Það er semasagt móðgun fyrir þá ef kona reynir að borga, þeim finnst það brjáluð lítillækkun og móðgun, að það sé verið að gera lítið úr karlmennskunni þeirra. Það eru þeir sem eru að bjóða þér út,“ segir hún og bætir við að búlgarískir karlmenn séu meira fyrir að stjana við konur.
Ásdís Rán er einhleyp og opin fyrir ástinni.
„Ég er bara búin að vera svo upptekin. Kannski gæti ekki alveg boðið karlmanni upp á að eiga mig sem kærustu því núna er ég búin að vera á svo miklu flakki milli landa og finnst ég ekki alveg nógu gott konuefni fyrir neinn. En væri fínt að eiga einhvern ungan kærasta kannski, eða eldri.“
Aðspurð hvernig er að deita í sviðljósinu segist hún vera vön því en viðurkennir að það hafi áhrif á tilhugalífið.
„Þó það trufli mig ekki þá truflar þetta karlmennina sem mig langar að fá. Það eru þeir sem vilja ekki vera í sviðsljósinu og erfiðara að fara út með mér því það byrja allir að tala og svo er bara komin frétt,“ segir hún.
Horfðu á þáttinn með Ásdísi Rán í heild sinni hér.
Fylgstu með Ásdísi Rán á Instagram, Facebook og hlaðvarpsþætti hennar, Krassandi konur, á YouTube.