Stjörnurnar voru saman um níu mánaða skeið, leiðir þeirra skildu í ágúst 2022. Hingað til hefur Kim lítið sem ekkert tjáð sig opinberlega um sambandsslitin.
Fyrsti þáttur þriðju þáttaraðar af The Kardashians fór í loftið á Hulu í gær og fengu áhorfendur að skyggnast á bak við tjöldin varðandi endalok sambands þeirra.
Í þættinum var Kim að spjalla við systur sína, Khloé Kardashian, og fyrrverandi mág sinn, Scott Disick.
Hún sagði að hún og Pete hafi rætt nokkrum sinnum um að hætta saman, áður en þau hættu saman. „Ég er stolt af mér sjálfri. Við töluðum oft saman, bara virkilega töluðum saman, og við áttum mjög opin samskipti um þetta. Þetta er augljóslega sorglegt,“ sagði hún.
„Við vorum saman í níu mánuði. Þetta er langur tími,“ sagði hún og bætti við að hún hafi aldrei átt í skammtímasamböndum, heldur taki hún ástinni alvarlega.
Raunveruleikastjarnan nefndi ekki ástæðuna fyrir því að þau hafi hætt saman en gaf til kynna að það hafi kannski haft eitthvað með áreiti fyrrverandi eiginmanns hennar, Kanye West, í garð Davidson.
Sjá einnig: Stormasöm helgi hjá Kanye West – Kallaði Pete Davidson fávita og birti persónuleg skilaboð frá honum
Hún viðurkenndi að hún væri með samviskubit vegna áreitisins en Kanye tók Pete linnulaust fyrir, birti ótal færslur á samfélagsmiðlum og gekk meira að segja svo langt að grafa leirútgáfu af grínistanum lifandi í tónlistarmyndbandi.
„Hann þurfti að ganga í gegnum ýmislegt vegna míns fyrrverandi,“ sagði hún.
Sjá einnig: Birtir einkasamtal hans og Kim Kardashian – Óttast um öryggi Pete Davidson
Seinna í þættinum sagði Kim að hegðun Kanye hafi haft mikil áhrif á hana og óttast hún hvaða áhrif hún muni hafa á framtíðarsambönd hennar.
„Ég fer fram og til baka með þetta, alveg úff, mun einhver vilja vera með mér? Ég á fjögur börn, ég er á fimmtugsaldri. Og þú veist, hver mun vilja díla við allt dramað?“ sagði hún en bætti við að hún hefur þó ekki gefið upp vonina að finna þann rétta.
„En sá rétti mun vera alveg: „Gleymum þessu. Þetta mun vera erfitt en við erum saman.“ Þannig ég er að bíða eftir þeirri manneskju.“
