fbpx
Föstudagur 02.júní 2023
Fókus

„Við komumst ekki hjá því að bera áföllin okkar í börnin okkar ef við höfum ekki unnið úr þeim“

Ragna Gestsdóttir
Mánudaginn 20. mars 2023 21:11

Mynd: Unsplash.com

Ekki missa af Helstu tíðindum dagsins í pósthólfið þitt

Lesa nánar

Lilja Sif Þorsteinsdóttir sálfræðingur heldur úti Instagram-síðunni Heilshugar. „Síðan er með sálfræðilegum fróðleik sem ég tel mikilvægt að koma til fólks,“ segir Lilja Sif í samtali við DV.

Síðan inniheldur góða fræðslu sem Lilja Sif notar í meðferðum og henni finnst mikilvægt að sem flestir hafi aðgang að, ókeypis.

Millikynslóðasmit

Í nýjustu færslunni fjallar Lilja Sif um millikynslóðasmit, sem er hugtak sem notað er yfir það þegar óunnin áföll smitast áfram í gegnum kynslóðir.  Við erfum heilmikið frá foreldrum okkar. Áföllin þeirra þar á meðal. 

Rannsóknir hafa sýnt fram á að ákveðnar utangenabreytingar verða við áföll, sem börn og barnabörn erfa svo síðar á lífsleiðinni – jafnvel þó að áfallið hafi gerst löngu fyrir getnað. 

Ennfremur mun áfallahegðun foreldris hafa bein áhrif á uppeldi, velferð og líðan barna þeirra. 

Rannsóknir sýna ennfremur að við komumst ekki hjá því að bera áföllin okkar í börnin okkar ef við höfum ekki unnið úr þeim, sama hversu metnaðarfull og vandvirk við erum sem foreldri. 

Áföll henda okkur í varnarkerfin okkar. Jafnvel löngu eftir að atburðurinn er búinn, ef við vinnum ekki með afleiðingar áfallsins. 

Í varnarkerfi kemur aftenging. 

Börnin skynja aftenginguna og munu gera allt sem í sínu valdi stendur til að koma henni á aftur – þar á meðal laga eigin hegðun og persónuleika að ástandinu.  

Þín aftenging við þau verður að þeirra áverkum (trauma). 

Þannig verður millikynslóðasmit til.  

Fjölskyldur sem bera með sér óunnin áföll munu: 

Tengjast í gegnum óreiðu og krísur 

Stjórnast í hvert öðru  

Hafa léleg mörk 

Gagnrýna hvert annað á niðurrífandi hátt 

Ekki bjóða upp á að fjölskyldumeðlimir geti sýnt sitt rétta sjálf 

Afneita þeim hluta raunveruleikans sem er þeim sársaukafullur 

Ef við hins vegar vinnum úr okkar eigin áföllum rjúfum við þennan vítahring. 

Að vinna úr áföllum sínum krefst meir en bara að tala um þau. Áföll hafa áhrif á allan líkamann og sitja mun dýpra í taugakerfinu heldur en bara á heilaberkinum, sem er eini hluti líkamans sem skilur talað mál.  

Því er ekki nóg að sækja hefðbundna samtalsmeðferð, heldur þarf að vinna með allan líkamann.

Í highlights á Instagram-síðu Heilshugar er hægt að frekari fræðslu um áföll og fengið hugmyndir um leiðir til áfallaúrvinnslu. 

Lilja Sif Þorsteinsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Vaknaðu! Safnar 38 milljónum króna fyrir Rauða krossinn – MYNDIR

Vaknaðu! Safnar 38 milljónum króna fyrir Rauða krossinn – MYNDIR
Fókus
Í gær

Stórstjörnur giftu sig í leyni

Stórstjörnur giftu sig í leyni
Fókus
Í gær

Vigdís hífir aðra tónlistarmenn upp – „Getur verið bilað hark“

Vigdís hífir aðra tónlistarmenn upp – „Getur verið bilað hark“
Fókus
Í gær

Afrekskonurnar Lukka Mörk og Ronja í nýrri auglýsingu Vinnupalla

Afrekskonurnar Lukka Mörk og Ronja í nýrri auglýsingu Vinnupalla
Fókus
Fyrir 2 dögum

Draumalífið hvarf á svipstundu – Missti tekjur, kærustuna og geðheilsuna

Draumalífið hvarf á svipstundu – Missti tekjur, kærustuna og geðheilsuna
Fókus
Fyrir 2 dögum

Al Pacino á von á barni – Kærastan 53 árum yngri

Al Pacino á von á barni – Kærastan 53 árum yngri