Mikil skjálftavirkni hefur verið á Reykjanesskaga undanfarið eins og flestir vita og bendir flest til að fjórða gosið á þremur árum verði að veruleika. 

Frá 27. október síðastliðnum hefur land risið um 7 sentímetra samkvæmt GPS-mælistöð á Þorbirni.

Sjá einnig: Land hefur risið um sjö sentímetra á Þorbirni síðustu 10 daga

Ellý Ármanns, spákona og flugfreyja með meiru, hefur lengi spáð fyrir landsmönnum og er ótrúlegt hvað hún nær að tengja vel við spilin og spá rétt. Ellý spurði spilin í morgun hvenær myndi gjósa á Reykjanesi og þetta höfðu spilin að segja: 

„Fæ ekki dagsetningu fram hérna heldur eitt orð: núna!“

„Ég fékk þetta svar: Landið ykkar er mjög viturt. Ísland er einfaldlega að koma jafnvægi á vistfræðina. Hræðist ekki orkuna sem birtist ykkur sem slíka. Hún er hluti af alheimi Guðs. Ekkert í heimi Guðs er illt. Máli skiptir hvernig farið er með það sem birtist ykkur núna. Virðið jörðina. Sjáið þetta allt með kærleika.“