Sífellt líklegra þykir að Mohamed Salah yfirgefi Liverpool í sumar þar sem félagið vill forðast að missa hann frítt þegar samningur hans rennur út að rúmu ári liðnu. BBC fjallar um málið.

Það vakti mikla athygli fyrr í vetur þegar Salah lýsti ósætti við stöðu sína undir stjórn Arne Slot, en síðan hafa menn vissulega náð sáttum. Það þykir þó líklegt að Egyptinn sé á sinni síðustu leiktíð með Liverpool.

Salah hefur lengi verið orðaður við Sádi-Arabíu, en einnig er talið að áhugi sé á honum frá MLS-deildinni vestan hafs.

Salah hefur skorað fjögur mörk og lagt upp sex í deildinni á tímabilinu.