Söngvarinn Matt Healy er þekktur fyrir að kyssa ókunnuga á tónleikum en hætti því um tíma eftir að hann byrjaði að slá sér upp með poppstjörnunni Taylor Swift.

En hann hefur tekið upp gamla siði og kyssti karlkyns öryggisvörð á tónleikum í Danmörku um helgina.

Healy er söngvari í hljómsveitinni 1975 og hefur það verið venja hjá honum í gegnum tíðina að kyssa áhorfendur og annað ókunnugt fólk á tónleikum.

Myndbönd af atvikinu hafa farið eins og eldur í sinu um netheima.

@theproblemattyc ♬ original sound – ALR

Í janúar sagðist Healy vera hættur þessu af virðingu við Swift, en hún kom fram á tónleikunum með þeim.

„Ég ætla ekki að kyssa neinn fyrir framan Taylor Swift, sýnið smá virðingu,“ sagði hann.

„Ekki fyrir framan drottninguna, það er ekki að fara að gerast.“

Parið byrjaði saman í vor og eru sögð vera mjög ástfangin.