Breskir syrgjendur fengu áfall í gær þegar karlmaður ruddi sér leið að kistu hennar hátignar Elísabetar II Bretlandsdrottningar og greip í fánann sem liggur yfir kistunni með báðum höndum. Lögreglumenn voru ekki lengi að ná hendur í hári mannsins og sneru hann niður í jörðina á meðan aðrir syrgjendur á svæðinu, margir sem höfðu beðið klukkutímunum saman eftir að bera kistu drottningar augum til að votta henni virðingu sína, fylgdust miður sín með.
Maðurinn var svo borinn út úr kirkjunni og var beinni útsendingu frá kistunni hætt í um korter. Fáninn umræddi var yfir kistu drottningar og er talið að maðurinn hafi verið að reyna að kíkja og sjá hvað væri þar undir. Umræddur fáni kallast Royal Standard og sýnir skjaldamerki konungsfjölskyldunnar. Meðal annars er honum flaggað í þeim höllum sem þjóðarhöfðingi Breta dvelur í hverju sinni og nú hvílir einn slíkur fáni yfir kistu hennar hátignar sem er til sýnis í Westminister Hall svo almenningur fái tækifæri til að kveðja þjóðhöfðingja þeirra til 70 ára.
Ruddalegi maður er sagður hafa ruðst inn í Westminister Hall og jafnvel hent börnum til hliðar til að komast að markmiði sínu. Vitni sagði í samtali við The Sun: „Við héldum að einhver hefði fallið í yfirlið en svo heyrðum við einhvern öskra. Einhver fór upp að kistunni, greip í fánanna og togaði hann upp. Hann gripu neðar lega á fánan og sveifluðu honum upp eins og hann væru að reyna að sjá hvað væri undir.
En ofan á kistunni eru bæði krúnudjásn og blómakrans svo það hefði tekið manninn nokkra vinnu að ná fánanum alveg af.
Vitnið sagði að þetta hafi verið sláandi uppákoma. „Þetta er svo mikil vanvirðing við líkið. Ekki eitthvað sem maður hélt að maður myndi nokkurn tímann sjá.“
Annað vitni sagði: „Einhver manneskja ákvað að hrinda frænku minni [7 ára] frá, hlaupa upp að kistunni, lyfta fánanum og reyna að – ég veit ekki einu sinni hvað.“
Vitnið sagði að varla hefðu tvær sekúndur liðið frá því að maðurinn komst að kistunni áður en lögregla náði að snúa hann niður. „Hryllilegt, algjörlega hryllilegt, svo mikil vanvirðing og ótrúlegt alveg og aumingja sjö ára barnið, þetta er varanleg minning hennar um drottninguna.“
Annað vitni sagði að á svæðinu hafi margir grátið og skolfið eftir atvikið.
Lögreglan greindi síðar frá því að maðurinn hafi verið handtekinn fyrir brot gegn almannafrið og sé nú í haldi.
Annar maður var svo handtekinn í gær fyrir að hafa berað sig við syrgjendur hennar drottningar sem stóðu í röð til að fá að sjá líkkistu drottningar.
Tvær konur greindu frá því að maður hafi komið upp að þeim og berað sig. Síðan hafi hann kastað síma sínum í Thames ánna og svo stungið sér til sunds. Eftir að hann kom upp úr var hann handtekinn og er grunaður um blygðunarsemisbrot.