Alec Baldwin er í hópi þeirra Hollywood-stjarna sem hafa verið fordæmdar fyrir að senda leikkonunni og leikstjóranum Anne Heche hlýjar kveðjur í kjölfar áreksturs sem hún átti alla sök á um helgina. Heche keyrði bíl sínum á fullri ferð á hús í Mar Vista-hverfinu í Los Angeles og er talið að hún hafi verið undir áhrifum vímuefna.
Eftir áreksturinn kviknaði í bifreið Heche og hlaut hún lífshættuleg brunasár. Það tók slökkviliðsmenn rúman klukkutíma að slökkva eldinn sem læsti sig í húsið og olli verulegum skemmdum. Eigandi hússins náði að flýja út úr húsinu ásamt tveimur hundum sínum og leita skjóls hjá nágrönnum.
Heche, sem er 53 ára gömul, hefur síðan barist fyrir lífi sínu og er ástand hennar sagt stöðugt. Vinir og fyrrum samstarfsfólk leikkonunnar hafa sent henni hlýjar kveðjur síðan harmleikurinn átti sér stað og í þeim hópi er Alec Baldwin sem tók upp myndbandskveðju til hennar og birti á Instagram síðu sinni.
View this post on Instagram
Hafa hinar opinberu kveðjur til Heche fallið í grýttan jarðveg hjá netverjum í ljósi þess að mikil mildi þykir að hún hafi ekki slasað einhvern eða drepið með háttalagi sínu. Þannig sendi leikkonan Patricia Arquette frá sér tíst þar sem hún hvatti fólk að biðja fyrir Heche.
Anne Heche is in the hospital severely burned from a car accident this is really tragic. Pray for her.
— ✌🏼rosanna arquette (@RoArquette) August 5, 2022
Hafa flest svörin verið á þá leið að netverjar hafi litla samúð með Heche samanborið við húseigandann sem missti allt sitt í brunanum.
Instead of praying for Anne Heche, who drove drunk, crashed into a garage, took off and drove 90MPH in a residential area, crashing into a house & setting it ablaze, how’s about you donate to the woman whose home was completely destroyed & lost everythinghttps://t.co/hbuyzoKBkO
— Blair (@heatblair) August 7, 2022
Heche á tvo syni úr fyrri sambandböndum en hún var um tíma kærasta leikkonunnar og þáttastjórnandans Ellen DeGeneres. Hún hefur rætt opinskátt um baráttu sína við áfengi og vímuefni sem hún segir að megi rekja til ömurlegrar æsku sinnar en hún hefur greint frá því að faðir hennar, Donald Heche, hafi misnotað hana kynferðislega.
