Fyrir rúmlega viku síðan var trommarinn Travis Barker fluttur á sjúkrahús í Los Angeles og var eiginkona hans, raunveruleikastjarnan Kourtney Kardashian, við hans hlið allan tímann.
Það komst í ljós að hann var með brisbólgu (e. pancreatis), sem getur verið lífshættuleg í sumum tilvikum.
Hann hefur náð sér á strik en á meðan hann dvaldi á spítalanum birtu nokkrir slúðurmiðlar paparazzi myndir af Kourtney og héldu því fram að myndirnar hefðu verið teknar á meðan Travis lá veikur á spítalanum. Á myndunum var Kourtney að sinna erindum og versla í matinn.
Kourtney lét í sér heyra á Instagram og sagði myndirnar vera gamlar.
„Til paparazzi ljósmyndarans sem seldi myndir af mér „á ferð og flugi“ á meðan eiginmaður minn var á sjúkrahúsi að berjast fyrir lífi sínu… þessar myndir voru teknar fyrir viku síðan (ég man ekki einu sinni hvenær ég klæddist þessum jogging galla síðast),“ skrifaði raunveruleikastjarnan í færslu á Instagram.
Kourtney sagði að þetta væri fyrir neðan allar hellur og sagði paparazzi ljósmyndara „græða á martröðum okkar.“
Hún sagði að þetta hefði verið „virkilega asnalegt þar sem ég vék ekki frá hans hlið, skammist ykkar.“
Travis Barker tjáði sig um veikindum á samfélagsmiðlum fyrr í vikunni. Hann sagðist vera þakklátur fyrir að líða betur þökk sér öflugri meðferð á sjúkrahúsinu.