Hún óskar eftir aðstoð Dear Deidre, kynlífs- og sambandsráðgjafa The Sun.
„Mér líður hræðilega eftir að hafa kysst eiginmann bestu vinkonu minnar, svo hræðilega að ég vil gangast undir minnisbælandi meðferð. Ég hef lesið mér til um þetta og ég vil gleyma að þetta hafi gerst svo ég geti haldið áfram með líf mitt,“ segir hún.
„Ég er 34 ára, besta vinkona mín er jafngömul mér og eiginmaður hennar er 37 ára. Hann er algjör daðurdrós en ég hef alltaf staðist hann, þar til þetta örlagaríka kvöld. Ég var lítil í mér og mjög full, ég hrasaði í fang hans og við enduðum á því að kyssast.“
Konan á kærasta og líður einnig illa yfir því að hafa haldið framhjá honum. „Þetta hefur svo mikil áhrif á mig, ég get ekki sofið.“
Deidre svarar konunni. „Það er hægt að gangast undir minnisbælandi meðferðir en það er ekki algengt. Frekar en að reyna að gleyma, sem mun ekki breyta því sem gerðist, þá er betra að þú fyrirgefir sjálfri þér. Eiginmaður bestu vinkonu þinnar átti ekki að kyssa þig, þetta var eitt augnablik og þú munt ekki gera þetta aftur,“ segir hún og ráðleggur konunni að leita sér aðstoðar og ræða um þetta við fagaðila.