Kim Kardashian er raunveruleikastjarna, snyrtivörumógúll, athafnakona og samfélagsmiðlastjarna – en hún er líka fjögurra barna móðir og stundum þarf hún að taka börnin með sér í vinnuna.

Á þriðjudagskvöldið var hún í spjallþættinum The Tonight Show with Jimmy Fallon. Nokkrum mínútum eftir að viðtalið byrjaði þurfti hún að stoppa til að sussa á syni hennar sem voru í áhorfendasalnum, Saint, 6 ára, og Psalm, 3 ára.

„Strákar, getið þið hætt? Þetta er fyrsta skiptið sem þið komið með mér í vinnuna,“ sagði hún og áhorfendur hlógu og klöppuðu.

Hún útskýrði síðan að synir hennar væru þarna með vinkonu hennar og dóttur hennar, Remi. „Það eru svo mikil læti í þeim. Krakkar, þetta er í fyrsta skipti sem þið komið með mér í vinnuna, ekki eyðileggja þetta. Kommon!“

Stuttu seinna þurfti Kim aftur að stoppa viðtalið vegna hávaða í krökkunum, en það var Psalm sem var með lætin og fór hann baksviðs.

Horfðu á viðtalið hér að neðan.