Ryan Seacrest afhjúpaði meira en bara sigurvegara American Idol í úrslitaþættinum á sunnudaginn síðastliðinn.
Sjónvarpsmaðurinn viðurkenndi í spjallþættinum Live with Kelly and Ryan í gær að það hefðu átt sér stað „vandræðaleg“ fatamistök, sem gerðu það að verkum að áhorfendur gátu auðveldlega séð hvað væri undir buxunum hans.
„Af því er virðist kaus Ameríka og sagði að ég væri að sýna meira en ég hélt. Við fríkuðum út og þurftum að skipta um föt,“ sagði hann í spjallþættinum í gær.
Stílisti hans, Miles Siggins, lét hann vita í miðjum þætti. „Það kom auglýsingahlé og hann sagði: „Má ég segja þér svolítið? Þú þarft að skipta um nærbuxur?“ Ég sagði: „Hvað meinarðu?““
Ryan var ekki með aukanærbuxur á staðnum og þurfti að fá par lánað hjá Miles. „Hann sagði: „Engar áhyggjur, ég er með nærbuxur.“ Hann er breskur, þannig hann var með minni og þrengri nærbuxur,“ sagði hann.
Það var enginn tími til að skoða aðra möguleika. „Ég var í miðri beinni útsendingu. Við fórum baksviðis og fundum lítið horn, þar sem ég var bókstaflega að fara úr buxunum og nærbuxunum, og fór í hans nærbuxur.“
Ryan sagði að þetta hefði verið í fyrsta skipti sem hann lendir í einhvers konar vandræðum með klæðnað á svona stundu.
Samstarfskona hans, dómari í American Idol og söngkonan Katy Perry, lenti í því að buxur hennar rifnuðu á alversta stað fyrir framan fullan sal af áhorfendum fyrir tveimur mánuðum.
ima get ur heart racing in my skin-tight jeans on #americanidol tonight 👀 tune in now for a RIPPING good time 🤪 pic.twitter.com/gw3bav78Rs
— KATY PERRY (@katyperry) March 29, 2022
