Raunveruleikastjarnan Kourtney Kardashian og trommarinn Travis Barker eru gift, aftur. Þau gengu í það heilaga, umkringd sínum nánustu, í glæsilegu brúðkaupi á Ítalíu um helgina.
Þetta er annað skipti sem þau játast hvort öðru. Fyrsta athöfnin var í Las Vegas þann 15. maí en í þetta skipti héldu þau veislu með stæl.
Kourtney, 43 ára, og Travis, 46 ára, ákváðu að halda lítið brúðkaup með nánustu vinum og vandamönnum. Börn Kourtney; Mason, Penelope og Reign, voru viðstödd ásamt börnum Travis; Atiana, Landon og Alabama. Systur Kourtney – Kim Kardashian, Khloé Kardashian, Kendall Jenner og Kylie Jenner – mættu að sjálfsögðu klæddar í sínu fínasta pússi, ásamt móður brúðarinnar, Kris Jenner.
Þau voru ekki viðstödd fyrri athöfnina, aðeins amma Kourtney, Mary Jo „MJ“ Campbell, og faðir Travis, Randy Barker, voru vitni.
Kourtney klæddist hvítum, og seinna svörtum, kjól frá Dolce & Gabbana, en brúðkaupsveislan var haldin í samstarfi við tískuhúsið og klæddist öll fjölskyldan merkinu.
Sjáðu fleiri myndir hér að neðan.