Hún fór að versla í matinn á sunnudaginn, ekkert athugunarvert við það, en var aðeins klædd nærfötum, gallajakka og stígvélum.
Myndir af henni fóru eins og eldur í sinu um netheima og höfðu netverjar ýmislegt um málið að segja.
Julia, sem er hvað þekktust fyrir leik sinn í kvikmyndinni Uncut Gems, og fyrir að eiga í stuttu, en mjög opinberu ástarsambandi með Kanye West, útskýrði ástæðuna fyrir fatavalinu.
Í færslu á Instagram sagði hún: „Mér finnst bara að ef þetta er viðeigandi klæðnaður á ströndinni þá ætti þetta að vera viðeigandi alls staðar.“
Þetta er ekki í fyrsta sinn sem fatnaður Juliu vekur athygli. Í mars klæddist hún ljósbláum gallabuxum en var búin að klippa mittisstrenginn af og notaði hann sem topp.
View this post on Instagram
Leikkonan virðist vera sérstaklega hrifin af gallaefni ef marka má föt hennar frá sunnudagsverslunarleiðangrinum. Hún var í gallajakka, í stígvélum úr gallaefni og með veski úr gallaefni, veskið virðist meira að segja vera gamlar gallabuxur.
Hér að neðan má sjá fleiri eftirminnileg augnablik í tískuvali stjörnunnar.
View this post on Instagram
View this post on Instagram
View this post on Instagram
