Birta Blanco er stödd um þessar mundir í Texas að taka upp klám fyrir OnlyFans-síðu sína. Hún hefur verið dugleg að sýna frá ferðalaginu á Instagram-síðu sinni og svaraði spurningum fylgjenda í gær.
Birta er úti að vinna með framleiðslufyrirtækinu Marcos Orlando og sýnir frá tökustaðnum, en rýmið er kallað The Lobby.
Samkvæmt heimasíðu Marcos Orlando er hægt að leigja aðstöðuna fyrir hundrað dollara á klukkutímann eða tæplega þrettán þúsund krónur.
Birta greindi frá því að hún myndi taka upp klám í þrjá daga og fyrsti tökudagurinn hafi verið í gær.
Hún sýndi frá rýminu, þar sem hún gisti einnig, og fatnaðinum sem hún mun koma til með að klæðast.
Í gær byrjuðu tökur og var hún klædd rauðum kjól með ól í kringum hálsinn. „Í dag erum við að fara að gera myndatöku og alls konar,“ sagði hún í gær og blikkaði myndavélina.
Birta neitaði að svara þegar fylgjandi spurði hvað hún sé að fá mikið borgað fyrir þetta.
Aðspurð hvort hún fer yfir myndiefnið með fyrirtækinu eftir að tökum sé lokið og hvort henni þyki það erfitt sagði hún: „Jaaa en nei ekki erfitt.“
„Ókei, við erum búin að taka upp fyrir daginn í dag. Ég fór í sturtu því við notuðum svo mikið af spreyolíu á líkamann [og ég] þurfti að þrífa það af. Núna erum við örugglega að fara heim til þeirra,“ segir Birta. Hún segir að á tökustað hafi mikið verið rætt um mat og hún sé spennt fyrir því að prófa framandi matargerð.
Birta tilkynnir svo að hún muni koma til með að birta myndböndin frá Texas á OnlyFans-síðu sinni.
