Kóngafólk hefur verið mikið í fréttum undanfarin misseri, sérstaklega það breska, og allir miðlar fullir af ljósmyndum af meðlimum fjölskyldunnar.

Sé litið á myndir af kvenkyns meðlimum fjölskyldunnar sitjandi má sjá að á hverri einustu ljósmynd sitja dömurnar í svo að segja nákvæmlega sömu stellingu. Það er með bakið þráðbeint og fætur saman og hallast þeir lítillega á hlið.

Þessi stelling er kölluðu ,,The Duchess Slant” sem í grófri þýðingu má kalla ,,Halla hertogynjunnar.” Fágætt er að finna myndir af konum konungsfjölskyldunnar með krossaða fætur, sem er stelling eins og við hin, sem ekki skörtum bláu blóði, grípum oftar en ekki til.

Yngri meðlimir fjölskyldunnar brjóta boðorðið einstaka sinnum en aldrei nokkurn tíma við opinberar athafnir

Reyndar er prinsessum og hertogaynjunum harðbannað að sitja með krossaða fætur, í það minnsta á almannafæri.

Þessi regla hefur gengið mann fram af manni (eða konu fram af konu) í margar kynslóðir. Talið er að krossaðir fætur sé of ,,almúgaleg” stelling og allt að því klúr. Um mun fágaðri stellingu fyrir dömur sé að ræða, sérstaklega þega þær klæðast kjólum eða pilsum, eins og kvenkyns meðlimir konungsfjölskyldunnar gera yfirleitt.

Konum sem giftast inn í fjölskylduna er meira að segja kennt að setjast á réttan hátt svo að hallinn góði myndist á sem eðlilegastan hátt.

Elísabet sáluga drottning sat á réttan hátt alla sína ævi en fáir þykja hafa náð jafn glæsilegum halla og krónprinsessan verðandi, Kate Middleton.

Meghan Markle, hertogaynja af Sussex, kom, eins og frægt er orðið, með nýjar hugmyndir inn í konungsfjölskylduna og meðal þess er það sem kallað er ,,Sussex hallinn.” Breytingin er byltingarkennd og felst í því að setja annan ökklann yfir hinn.

Um er að ræða einhverja róttækustu breytingu á setu til áratuga innan breska konungsdæmisins. Ef ekki árhundruða.