fbpx
Þriðjudagur 24.maí 2022
Fókus

Þórunn Antonía um Góðu systur – „Fólk var farið að senda mér dag og nótt peningabeiðnir og hrikalega átakanlegar sögur“

Fókus
Laugardaginn 22. janúar 2022 11:00

Þórunn Antonía. Mynd/Instagram

Ekki missa af Helstu tíðindum dagsins í pósthólfið þitt

Lesa nánar

Tónlistarkonan Þórunn Antonía Magnúsdóttir er stofnandi og eigandi Facebook-hópsins Góða systir, sem er með um 47 þúsund meðlimi. Söngkonan steig til hliðar sem stjórnandi síðunnar fyrir nokkrum árum vegna álags. Hún opnaði sig nýverið um þennan tíma í Story á Instagram og hvernig það hefði verið að vera að jafna sig eftir lífshættuleg veikindi, með nýfætt barn að reyna að gera tugi þúsunda kvenna til geðs, stjórna umræðum, fá sendar fjölda átakanlegra sagna af fólki í neyð og standa fyrir söfnunum. Um tíma var þetta orðið svo slæmt að þetta varð einn helsti kvíðavaldurinn í hennar lífi.

„Ég stofnaði Facebook-síðuna Góða systir á sínum tíma einmitt með það að leiðarljósi að miðla góðu. Miðla jákvæðni og hvetja aðrar konur til að gera slíkt hið sama. Ég stofnaði síðuna og bauð mínum vinkonum og hvatti þær til að gera slíkt hið sama. Á þremur dögum voru meðlimir orðnir um það bil fimmtíu þúsund,“ segir Þórunn Antonía.

„Ég vann linnulaust við að halda uppi boðskapnum þar innan regla hópsins, sem var rosalegur álagsvaldur. Ég var með Freyju [dóttur mína] nýfædda og var greind með alvarlega áfallastreituröskun eftir lífshættulega meðgöngueitrun sem endaði í bráðakeisari, og önnur áföll sem komu á sama tíma. Það var rosalega þroskandi en takandi að reyna að halda utan um umræðuvettvang fyrir um 50 þúsund konur.“

Þórunn Antonía fékk nokkrar konur til að hjálpa sér að halda utan um hópinn.

„Ég fékk rosalega góðar konur sem meðstjórnendur [í hópnum] sem björguðu mér alveg því mér þótti vænt um boðskapinn og þykir enn.“

Næst ræðir hún um safnanirnar. „Við stóðum fyrir mánaðarlegum söfnunum fyrir fólk í sárri neyð. En ég vildi aldrei að það yrði tilgangurinn þó það hefði verið ómetanlegt að hjálpa fólki með þessum hætti, þá var það ótrúlega sárt að lesa bréfin frá fólki í neyð og fyllast af vanmáttarkennd að geta ekki hjálpað öllum,“ segir hún og heldur áfram.

„Fljótlega eftir að við settum mánaðarlegar safnanir í loftið, eftir 100 prósent lögreglum leiðum, fór síðan að snúast bara um það. Ég skapaði síðuna sem jákvæðni og samstöðu síðu sem ég leit á sem öryggi í heimi fullum af sorgarfréttum og böli. En fólk var farið að senda mér dag og nótt peningabeiðnir og hrikalega átakanlegar sögur. Ég var að jafna mig eftir lífshættuleg veikindi með nýfætt barn og þetta fór að vera minn mesti kvíðavaldur.“

Álagið varð bara meira því sem tímanum leið. „Svo varð fólk orðið reitt og brjálað af hverju ég svaraði ekki öllum stundum, skipandi mér að eyða út hinu og þessu. Ég var allt í einu orðin að launalausum starfsmanni ókunnugra kvenna sem heimtuðu frá mér að vera alltaf til staðar til að slökkva á einhverjum umræðum sem sköpuðust þarna inni. Þetta var orðið of átakanlegt og ég steig til hliðar sem „admin“ en er stofnandi og eigandi síðunnar. Ég kíki enn í dag reglulega við og á meðan [síðan] gleður einhverja þá er það nóg.“

Þórunn Antonía segir að hún ætlar að skrifa meira um samskipti, vináttu, jákvæðni og fleiri hluti og birta það á Instagram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Vigdís Howser gengin út – Fullkomnar andstæður náðu saman

Vigdís Howser gengin út – Fullkomnar andstæður náðu saman
Fókus
Í gær

Umdeild færsla Andrésar setti allt í uppnám á Twitter – „Hvaða rugl er þetta?“

Umdeild færsla Andrésar setti allt í uppnám á Twitter – „Hvaða rugl er þetta?“
Fókus
Fyrir 2 dögum

Lík í heimahúsi og eiturlyfið Vermaak – María Siggadóttir gefur út fyrstu spennusöguna sína

Lík í heimahúsi og eiturlyfið Vermaak – María Siggadóttir gefur út fyrstu spennusöguna sína
FókusViðtalið
Fyrir 2 dögum

Trausti er nýr borgarfulltrúi Reykvíkinga – ,,Andleg vandamál eru faraldur á Íslandi“

Trausti er nýr borgarfulltrúi Reykvíkinga – ,,Andleg vandamál eru faraldur á Íslandi“
Fókus
Fyrir 4 dögum

Eva Dís um reynslu sína: „Þegar maður er í vændi þá verður maður að segja að þetta sé æðislegt“

Eva Dís um reynslu sína: „Þegar maður er í vændi þá verður maður að segja að þetta sé æðislegt“
Fókus
Fyrir 4 dögum

XXX Rottweiler og Aron Can koma fram á Þjóðhátíð

XXX Rottweiler og Aron Can koma fram á Þjóðhátíð
Fókus
Fyrir 4 dögum

Furðulegustu beiðnirnar sem OnlyFans stjörnur hafa fengið – Táneglur, klósettferðir og fótasviti

Furðulegustu beiðnirnar sem OnlyFans stjörnur hafa fengið – Táneglur, klósettferðir og fótasviti
Fókus
Fyrir 4 dögum

Meint stéttarfélag innbrotsþjófa vekur athygli – „Munið að festa flatskjá aldrei við vegg“

Meint stéttarfélag innbrotsþjófa vekur athygli – „Munið að festa flatskjá aldrei við vegg“