Tónlistarmaðurinn Erpur Eyvindarsson, einnig þekktur sem Blaz Roca, varð fyrir þeirri ömurlegu reynslu að vera rændur í nótt á Þjóðhátíðinni í Eyjum. Í færslu á Facebook-síðu sinni segir Erpur að taskan hans, 66° poki, hafi horfið fyrir framan dansgólfið á Brekkusviðinu inni í Herjólfsdal meðan Bubbi eða FM957BLÖ stigu á stokk.
„ Veskið, lyklarnir, snyrtidótið og öll fötin mín fyrir kvöldið voru sekknum. Ég hef aldrei lent í öðru eins á ævi minni,“ skrifar Erpur í færslunni. Hann óskar eftir aðstoð og heitir fundarlaunum.
Uppfært: 14:14
Taskan er komin í leitirnar. Frá þessu greinir Erpur á Facebook, eðlilega kátur. Segir hann að þetta sé bara þannig að ekkert týnist lengi í Eyjum. Hann heldur upp á þetta með því að klæðast færeyskum hatt í kvöld þar sem að Vestmannaeyjar eigi engan opinberan hatt. Svo sé það líka svo að mati Erps að Færeyjar standi jafnvel Vestmannaeyjum nærri heldur en restin af Íslandi.
„Og ég ætla að vera glæsilegur í kvöld með færeyska hattinn svo ekki hafa áhyggjur af þessu.“
