Farþega um borð í flugél Ryanair brá á dögunum í brún er hann sá þar par nokkurt sem virtist í léttu rúmi liggja þó þau væru ekki ein í heiminum.
Í myndbandi sem farþeginn deildi á Twitter og merkti flugfélagið í má sjá konu beygja sig niður í fang manns sem hún er líklega að ferðast með og veita honum að því er virðist munngælur. Maðurinn sem hún var að veita gælurnar virtist vel vanur slíkum atlotum því hann hélt áfram að drekka drekk sinn á meðan og virðist hinn yfirvegaðasti.
Eftir að konan hafði veitt klofi ferðafélaga síns athygli nokkra stund reisir hún sig aftur við og þau deila ástríðufullum koss. Síðan snýr hún sér aftur að munngælunum.
Maðurinn sem tók við munngælunum virtist jafnvel vita að sessunautur þeirra væri að taka þau upp á síma, því hann horfir að því er virðist beint í myndavélina, sem að líkindum er á síma, drykklanga stund.
Notendur á Twitter kættust mikið yfir uppátækinu.
„Ég hef þetta í huga næst þegar ég bóka mér flug,“ skrifar einn.
„Gott hjá Ryanair að leyfa þetta bara,“ segir annar.
„Hver ætli verði rekinn núna fyrir að leyfa þessu að gerast?,“ spyr annar.
Samkvæmt reglum Ryanair telst ofangreind háttsemi vera brot gegn blygðunarsemi og getur farþegum verið gert að yfirgefa flugið ef þeir verða uppvísir af slíku.
