fbpx
Föstudagur 17.september 2021
Fókus

Myndband Brynhildar slær í gegn á TikTok með yfir 20 milljónir í áhorf – „Innhólfið mitt er að springa“

Guðrún Ósk Guðjónsdóttir
Miðvikudaginn 25. ágúst 2021 22:10

Brynhildur Brá Gunnlaugsdóttir. Mynd/Instagram

Ekki missa af Helstu tíðindum dagsins í pósthólfið þitt

Lesa nánar

Brynhildur Brá Gunnlaugsdóttir er 21 árs og ein stærsta TikTok-stjarna landsins. Hún er með yfir 500 þúsund fylgjendur á miðlinum og hefur vinsælasta myndbandið hennar fengið yfir 20 milljónir í áhorf.

Við heyrðum í Brynhildi og forvitnuðumst um þessa framandi samfélag sem hún lifir og hrærist í.

„Ég hef verið á TikTok í rúm tvö ár núna. Fyrsta myndbandið mitt fékk tvær milljónir í áhorf og það var bara eitthvað myndband um hárið mitt. Svo eftir það tók ég þessu aldrei eitthvað alvarlega og deildi bara myndböndum þegar ég vildi,“ segir hún.

Aðspurð hvort það hefði verið eitthvað ákveðið myndband sem hefði aukið vinsældir hennar svarar Brynhildur játandi.

„Það voru þrjú myndbönd sem „blew up“ og hjálpuðu mér klárlega að raða inn fylgjendum. Tvö þeirra eru einhver dansmyndbönd og í því þriðja var ég að tala um hvernig fólk líkir mér við söngkonuna Ariönu Grande,“ segir hún.

@brynhildurgunnlaugssstop now 😀♬ original sound – DPFA RIANA

Brynhildur segir að dansmyndbönd séu vinsælust á TikTok. „Og hafa eiginlega alltaf verið það. Ég er samt ekkert endilega mikið í þeim þó mér finnist gaman að búa þau til. Ég vil helst bara halda þessu frekar opnu og gera það sem mér finnst skemmtilegt og hef áhuga á.“

Ótrúleg aukning fylgjenda

Eins og fyrr segir hefur eitt myndbanda Brynhildar fengið yfir 20 milljónir í áhorf. Hún viðurkennir að viðbrögðin hafa komið henni verulega á óvart. „Og enn að koma mér á óvart þar sem áhorfunum fjölgar bara,“ segir hún. En fyrst þegar blaðamaður hafði samband við Brynhildi hafði myndbandið fengið 18 milljónir í áhorf og aukist um tvær milljónir á aðeins tveimur dögum.

Horfðu á myndbandið hér að neðan.

@brynhildurgunnlaugssmy trend now♬ Beethoven – Kenndog

„En mér finnst þetta bara geggjað fyrir mig sem „creator“ á miðlinum að hjálpa að koma mér af stað,“ segir hún.

Þegar myndband slær svona í gegn bætist verulega í fylgjendahóp Brynhildar. „Ég held ég hafi fengið um 300 þúsund fylgjendur eftir þessi tvö myndbönd og er svo núna komin yfir 500 þúsund fylgjendur. Ég fékk einnig svakalegan fjölda á Instagram í kjölfarið. Og innhólfið á báðum miðlunum er bara að springa,“ segir hún og bætir við að flestir fylgjendur hennar séu bandarískir.

Myndbandið hér að neðan hefur fengið yfir milljón í áhorf.

@brynhildurgunnlaugssReply to @naseempeacock caught♬ HIT YO 3STEP – RILEYJ

Fær ekki greitt fyrir áhorf

Í dag fá myndbönd Brynhildar að meðaltali 300 til 700 þúsund í áhorf. Hún fær þó ekki greitt fyrir myndböndin eða áhorfin. „TikTok er ekki að greiða „creators“ á Íslandi heldur fá bara notendur frá ákveðnum löndum, eins og Bandaríkjunum, greitt fyrir áhorf.“

Brynhildur er í vinnu og spilar einnig fótbolta með FH. „Það hefur svona alltaf verið mikilvægast en við sjáum hvaða tækifæri koma með samfélagsmiðlunum,“ segir hún og bætir við að það væri frábært að geta verið í fullu starfi við samfélagsmiðla.

„Og klárlega eitthvað sem hentar mér þar sem mér finnst ég alltaf hafa verið frekar hugmyndarík! Svo það væri gaman að vinna við að skapa eitthvað skemmtilegt sem fólk hefur áhuga á,“ segir hún.

Fylgstu með Brynhildi á TikTok og Instagram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Hatari fór á skeljarnar í Sky Lagoon – „Hún gerir mig óskiljanlega hamingjusaman“

Hatari fór á skeljarnar í Sky Lagoon – „Hún gerir mig óskiljanlega hamingjusaman“
Fókus
Fyrir 2 dögum

5 algengar ástæður fyrir minni kynhvöt kvenna

5 algengar ástæður fyrir minni kynhvöt kvenna
Fókus
Fyrir 2 dögum

Kim Kardashian höfð að háði og spotti

Kim Kardashian höfð að háði og spotti
Fókus
Fyrir 2 dögum

Ástæðan fyrir því að Megan Fox klæddist gegnsæja kjólnum – „Það sem þú vilt, pabbi!“

Ástæðan fyrir því að Megan Fox klæddist gegnsæja kjólnum – „Það sem þú vilt, pabbi!“
Fókus
Fyrir 3 dögum

Slagsmál á rauða dreglinum – Þurfti að stía Conor McGregor og MGK í sundur

Slagsmál á rauða dreglinum – Þurfti að stía Conor McGregor og MGK í sundur
Fókus
Fyrir 3 dögum

Sigga Dögg skrifar túrbók: „Ég er búin að taka fleiri klst af mér að setja upp álfabikar“

Sigga Dögg skrifar túrbók: „Ég er búin að taka fleiri klst af mér að setja upp álfabikar“
Fókus
Fyrir 4 dögum

Stöð 2 þættir Sunnevu Einars og Jóhönnu vekja úlfúð – „Skammarlegt og ömurlegt“ – „Þvílík vanvirðing“

Stöð 2 þættir Sunnevu Einars og Jóhönnu vekja úlfúð – „Skammarlegt og ömurlegt“ – „Þvílík vanvirðing“
Fókus
Fyrir 4 dögum

Nú steinhættir þú að fara í sturtu á hverjum degi

Nú steinhættir þú að fara í sturtu á hverjum degi