Söngkonan og skemmtikrafturinn Þórunn Antonía Magnúsdóttir lætur ekki segja sér hverju hún má og má ekki deila á samfélagsmiðlum. Hún birti á dögunum myndir frá ferðalagi sínu til Króatíu og á nokkrum þeirra er hún fáklædd.
View this post on Instagram
Ein kona taldi sig knúna til að gagnrýna Þórunni Antoníu fyrir myndbirtinguna og skrifaði við mynd hennar á Instagram: „Í hvaða tilgangi tekur þú þessar myndir af þér. Ég skil það ekki, er það bara til að æsa upp PERRANA.“
Þórunn Antonía svaraði konunni um hæl. „Í hvaða tilgangi ert þú að fylgja mér? Í hvaða tilgangi ert þú að hneykslast á ókunnugum manneskjum. Þetta er mín síða og hér pósta ég mínum myndum og ef þér finnst eitthvað að minni hegðun er það 100% þitt. Ég er ekki að pósta neikvæðum ummælum á þína síðu heldur þú á mína þannig þú ert í raun eini „perrinn“ sem ert að áreita mig.“
Söngkonan vakti einnig athygli á gagnrýninni og svari sínu við henni í Story á Instagram. „Eins og lofað hefur verið pósta ég allri áreitni beint í story óháð kyni,“ sagði hún.
View this post on Instagram
Áhrifavaldurinn Camilla Rut kom Þórunni til varnar og svaraði einnig konunni.
„Kona á að geta fagnað sjálfri sér, líkamanum sínum og kvenleika sínum í allri sinni dýrð án þess að þurfa að pæla í „perrunum.“ Það er ekki á ábyrgð kvenna að passa upp á að æsa ekki upp blessuðu perrana. Ef perrarnir eru viðkvæmir fyrir því að æsast upp þá mega þeir loka sig af, loka augunum og vinna í sjálfum sér og taka ábyrgð,“ sagði hún og bætti við að henni þykir Þórunn Antonía geggjuð.
View this post on Instagram
Þetta er ekki í fyrsta sinn sem Þórunn Antonía lætur í sér heyra eftir að hafa verið gagnrýnd fyrir að birta fáklæddar myndir af sér.
Í desember í fyrra greindi hún frá því að mynd af henni skreyta jólatré í rauðri blúndu samfellu hefði „sjokkerað vinkonur vinkvenna“ hennar. Í stað þess að láta það á sig fá birti hún fleiri myndir úr sömu myndatöku.
Sjá einnig: Þórunn Antonía frétti að mynd af henni hefði „sjokkerað“ vinkonur vinkvenna sinna – Þá deildi hún þessu
