fbpx
Þriðjudagur 27.júlí 2021
Fókus

Gerði óvænta uppgötvun á fjölskyldumóti – „Fjölskyldan mín hafi vitað þetta árum saman“

Fókus
Fimmtudaginn 15. júlí 2021 15:45

Ekki missa af Helstu tíðindum dagsins í pósthólfið þitt

Lesa nánar

Frá því að Victoria Flett var 12 ára gömul hefur hún glímt við sársaukafullar og miklar blæðingar sem gátu varað í allt að fimmtán daga. Það var ekki fyrr en hún var 17 ára sem hún komst að hinu sanna. Metro greinir frá.

Victoria er 28 ára í dag. Þegar hún var 17 ára fór hún á fjölskyldumót þar sem henni var loksins greint frá því að hún er fædd með tvö leg. Hún hafði ekki hugmynd um þetta meðfædda ástand en það skýrði þó sársaukafullan tíðahringinn.

„Fjölskyldan mín hafði vitað þetta árum saman. Ég fæddist rúmlega 5 kg að þyngd og þetta var erfið fæðing þar sem nokkur rifbeinin mín brotnuðu á meðan það var barist við að koma mér í heiminn.  Út af því og vegna heilsuvandamála sem komu upp í kjölfarið var ég mynduð og samkvæmt ömmu minni komust læknar þá að því að ég er með tvö leg.“

Allir í fjölskyldu hennar vissu því af þessu nema hún.

„Þetta var bara almenn vitneskja í fjölskyldunni en ég var að fara yfir um þar sem ég vissi ekkert um þetta.“

Victoria hafði sjálf leitað til kvensjúkdómalæknis fimmtán ára gömul eftir að lenda í erfiðleikum með að koma upp tíðatöppum. Eftir skoðun sagði læknirinn henni að hún væri með vef sem skipti píkunni á henni í tvennt. En það var ekki fyrr en á áðurnefndu fjölskyldumóti sem hún komst að því hvað í raun og veru var að.

Í kjölfar fjölskyldumótsins fór Victoria til læknis í ómskoðun sem sýndi lítið leg til vinstri og stærra leg til hægri – hvort fyrir sig með legháls. Vegna þessa getur Victoria þurft að glíma við heilsufarsvandamál svo sem erfiðleika við að geta barn.

Engu að síður á Vicoria í dag þrjú börn og öll voru getin með náttúrulegum hætti. Elsta barnið hennar og það yngsta urðu til í litla leginu en miðju barnið í því stærra.

Victoria deilir sögu sinni til að vekja athygli á þessum fæðingargalla og heldur utan um Facebook-hóp fyrir aðra í hennar stöðu.

„Það hjálpaði mér mikið að eignast „net vini“ sem eru að ganga í gegnum það sama. Ég er stjórnandi á síðunni og hjálpa til við að reka hana. Síðan ég gekk í þennan hóp fyrir fjórum árum hefur meðlimum fjölgað úr um hundrað upp í rúmlega þúsund. Það er ekki mikið af upplýsingum á reiðum höndum um þetta ástand svo það skiptir máli að geta talað við aðra í sömu stöðu. Við erum eins og fjölskylda, samfélag sem hjálpar hvert öðru og veitir stuðning þegar á þarf að halda.“

Þarna til vinstri má sjá hitt legið en þarna er Victoria ófrísk af miðjubarninu

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Var gjaldþrota en er nú búin að græða 169 milljónir

Var gjaldþrota en er nú búin að græða 169 milljónir
Fókus
Fyrir 4 dögum

Saga rappsins um helgina

Saga rappsins um helgina
Fókus
Fyrir 5 dögum

Halle Berry birtir mynd af sér á brjóstunum

Halle Berry birtir mynd af sér á brjóstunum
Fókus
Fyrir 5 dögum

Svona fór Jónas að því að ná fjórum drengjum úr snjallsímunum – „Þetta var að minnsta kosti stund á milli símastríða“

Svona fór Jónas að því að ná fjórum drengjum úr snjallsímunum – „Þetta var að minnsta kosti stund á milli símastríða“