Megan Barton-Hanson þekkja margir úr fjórðu seríu Love Island-þáttanna en þar endaði hún í fjórða sæti ásamt Wes Nelson. Þau fluttu inn saman en slitu sambandinu eftir nokkurra mánaða sambúð. Megan var gestur YouTube-þáttarins That’s What She Said og ræddi hún þar meðal annars um kynlíf sitt.
Megan sagði að hún myndi aldrei sleikja karlmannsfætur í kynlífi en segir þó að hún væri til í að sleikja tær ef um kvenmann væri að ræða.
Þær ræddu fleiri djarfa hluti og segir Megan að hún sé orðin eigingjarnari í kynlífi. Á hennar yngri árum hafi hún alltaf lagt áhersluna á að rekkjunaut hennar liði vel en hugsaði minni um hvernig henni sjálfri liði.
„Þegar ég stundaði fyrst kynlíf hafði ég áhyggjur, „lítur líkaminn minn vel út í þessari stellingu?“, „er ég að stynja nógu mikið?“. Nú þegar ég er eldri geri ég þetta bara fyrir mig. Ég er að vera meira eigingjörn eins og maður ætti að vera,“ segir Megan í þættinum.
Þær ræddu einnig hvernig aðili getur verið „góður í rúminu“ og voru sammála um að góð samskipti séu lykillinn.
