Raunveruleikastjarnan Chris Taylor birti svakalega „fyrir og eftir“ mynd á Instagram en það er eitthvað athugunarvert við myndina. Chris, sem naut mikilla vinsælda í Love Island árið 2019, gerir grín að stjörnunum sem greina frá óraunhæfu þyngdartapi á samfélagsmiðlum og reyna í kjölfarið að selja einhverja vöru eða þjónustu.
Chris birti tvær myndir. Á myndinni til hægri er hann töluvert vöðvameiri og skornari. Með myndunum skrifaði hann. „Ég vakna á hverjum degi klukkan ellefu kvöldið áður. Ég skokka til klukkan þrjú um nóttina og klæðist aðeins ruslapoka. Eftir það borða ég fyrstu og síðustu máltíð dagsins. 20 þúsund grömm af strútakjöti, 68 egg og fjögurra vikna gamalt epli. Síðan fer ég í ræktina í þrjá tíma og lyfti á meðan ég hlusta á Chuck Norris öskra hvatningarorð til mín. Síðan fer ég heim og fæ með 400 grömm af próteindufti, enginn vökvi með,“ segir Chris.
„Ef þú vilt taka þátt í prógramminu mínu þá kostar það aðeins 30 milljónir á mánuði.“
Það tók ekki langan tíma fyrir glögga netverja að sjá að eitthvað væri ekki alveg að ganga upp á hægri myndinni. „Eftir“ líkami Chris er bara alls ekki hans líkami. Hann setti andlit sitt á líkama vinar síns og raunveruleikastjörnunnar Michael Griffith.
Ef þú skoðar myndirnar aftur þá sérðu að húðflúrin séu ekki þau sömu.
View this post on Instagram